കൊച്ചി: വാഹന വിപണിയിലെ കൊറോണ പ്രതിസന്ധി മറികടക്കാൻ ടാറ്റ മോട്ടോർസ് പുതിയ പാക്കേജ് പ്രഖ്യാപിച്ചു. ‘കീസ് ടു സേഫ്റ്റി’ എന്നപേരിൽ അവതരിപ്പിക്കപ്പെട്ട പാക്കേജിൽ പാസഞ്ചർ വാഹന വിപണിയിലെ ഏറ്റവും മികച്ച ഓഫറുകളാണ് ടാറ്റ മോട്ടോർസ് അവതരിപ്പിച്ചിരിക്കുന്നത്. ടാറ്റ മോട്ടോഴ്സിന്റെ കേരളത്തിലെ പ്രധാന ഡീലർമാരായ മലയാളം വെഹിക്കിൾസ്, ശ്രീ ഗോകുലം മോട്ടോർസ് എന്നിവരുമായി സഹകരിച്ചാകും പുതിയ പാക്കേജ് നടപ്പിലാക്കുക.
ടാറ്റയുടെ ഹാച്ച് ബാക്ക്, സെഡാൻ, എസ് യു വി ശ്രേണികളിലെ ടിയാഗോ, ടിഗോർ, നെക്സൺ, ഹാരിയർ തുടങ്ങിയ വാഹനങ്ങൾ ആകർഷകമായ ആനുകൂല്യങ്ങളിൽ ലഭ്യമാകും. നീണ്ട തിരിച്ചടവ് കാലയളവ്, താങ്ങാനാവുന്ന ഇഎംഐ – ഫിനാൻസ് സൗകര്യങ്ങൾ, കൊറോണ പ്രതിരോധ പ്രവർത്തനങ്ങളിലെ മുൻനിര പോരാളികളായവർക്ക് പ്രത്യേക ഓഫറുകൾ എന്നിവയും ലഭ്യമാകും. സാമൂഹിക അകലം പാലിച്ചുകൊണ്ട് സുരക്ഷിതമായ വ്യക്തിഗത യാത്രാ സൗകര്യം ഏവർക്കും ലഭ്യമാക്കുന്നതിനായാണ് ഈ പാക്കേജ് രൂപകൽപ്പന ചെയ്തിരിക്കുന്നത്.
പുതിയ പാക്കേജിലൂടെ ഇഎംഐ പ്ലാൻ ഉപയോഗിച്ച് 6 മാസത്തേക്ക് വെറും 5,000 രൂപയിൽ ആരംഭിക്കുന്ന മാസതവണകളായി ഫിനാൻസ് ചെയ്തുകൊണ്ട് ഉപയോക്താക്കൾക്ക് ടാറ്റ ടിയാഗോയുടെ ഇഷ്ടമുള്ള വേരിയന്റ് സ്വന്തമാക്കാം. ഈ ഇഎംഐ തുക 5ലക്ഷം രൂപ വരെയുള്ള വായ്പ്പകൾക്ക് ബാധകമാണ്. ആദ്യ ആറു തവണകൾക്ക് ശേഷം അടവ് തുക ക്രമേണ വർദ്ധിക്കുന്നു. ലോൺ കാലാവധി പരമാവധി 5 വർഷത്തേക്കാണ്. ഒരു അധിക ആനുകൂല്യമെന്ന നിലയിൽ, ഉപയോക്താക്കൾക്ക് അവരുടെ അവസാന ഇഎംഐ നൽകുമ്പോൾ മൂന്ന് മൂല്യവർദ്ധന ഓപ്ഷനുകളിൽ നിന്ന് തിരഞ്ഞെടുക്കാം.
ടാറ്റ മോട്ടോഴ്സ് അതിന്റെ മുഴുവൻ ശ്രേണിയിലുള്ള കാറുകളിലും എസ്യുവികളിലും ഓൺറോഡ് ഫണ്ടിംഗിന് 100% വാഗ്ദാനം ചെയ്യുന്നു. ഉപയോക്താക്കൾക്ക് 8 വർഷം വരെ ദീർഘ കാലാവധിയുള്ള ഇഎംഐ സ്കീമുകൾ ലഭ്യമാകുക വഴി അവരുടെ പ്രതിമാസ ഇഎംഐ പേയ്മെന്റിന്റെ അളവ് കുറയ്ക്കാൻ സാധിക്കും.
കൂടാതെ, കൊറോണ പ്രതിരോധ പ്രവർത്തനങ്ങളിലെ മുൻനിര പോരാളികളായ, ഡോക്ടർമാർ, ഹെൽത്ത് കെയർ പ്രൊഫഷണലുകൾ, അവശ്യ സേവന ദാതാക്കൾ, പോലീസ് എന്നിവർക്ക് നന്ദി അറിയിക്കുന്നതിനും അവരെ പിന്തുണയ്ക്കുന്നതിനുമായി ആൾട്രോസ് ഒഴികെ ടാറ്റ മോട്ടോഴ്സിന്റെ എല്ലാ കാറുകളിലും എസ്യുവികളിലും 45,000 രൂപ വരെ പ്രത്യേക ആനുകൂല്യങ്ങൾ ലഭ്യമാകും.
