ബര്ലിന്: ജര്മ്മന് ഫുട്ബോള് ലീഗ് ചാമ്പ്യന്മാരാകാന് ബയേണ് ഒരുങ്ങുന്നു. ഇന്നലെ നടന്ന മത്സരത്തിലെ ജയത്തോടെയാണ് ബയേണ് പോയിന്റ് നിലയില് വീണ്ടും മുന്നേറിയത്. ബെയര് ലെവര്ക്കൂസനെയാനെയാണ് ബയേണ് തോല്പ്പിച്ചത്. രണ്ടിനെതിരെ നാല് ഗോളിനാണ് ബയേണ് തകര്പ്പന് ജയം നേടിയത്. ഇനി ലീഗില് നാലു മത്സരങ്ങളാണ് ബയേണിന് പൂര്ത്തിയാക്കാനുള്ളത്. 30 മത്സരത്തിലായി 70 പോയിന്റാണ് ബയേണിനുള്ളത്. രണ്ടാം സ്ഥാനത്തുള്ള ഡോട്ട്മുണ്ടിന് 29 മത്സരങ്ങളിലായി 60 പോയിന്റുകളാണ് നേടാനായത്.
സൂപ്പര്താരം ലെവന്ഡോവ്സ്കിയുടെ മികവിലാണ് ബയേണ് ജയിച്ചത്. ടീമിന് വേണ്ടി കിങ്സ്ലി, ലി.ാേണ്ഡ, സെര്ജീ എന്നിവരും ഒരോ ഗോളുകള് നേടി. ലെവര്കൂസന് വേണ്ടി ലൂക്കാസ് അലാരിയോയും ഫ്ലോറിയാന് റിറ്റ്സുമാണ് ഗോളുകള് നേടിയത്. സീസണിലെ ഗോള് വേട്ടയില് റെക്കോഡ് നേട്ടത്തോടെയാണ് ലെവന്ഡോവ്സ്കി കളിയില് തന്റെ ഏക ഗോള്നേടിയത്. സീസണില് തന്റെ 44-ാം ഗോളാണ് ലെവന്ഡോവ്്സ്കി നേടിയത്. ബുന്ദേസ്ലീഗയില് മാത്രം ഇതുവരെ സീസണില് പോളണ്ട് താരം 30 ഗോളുകളടിച്ചു കഴിഞ്ഞു. തുടര്ച്ചയായി അഞ്ചു സീസണിലും 40 ഗോളുകള് ലെവന്ഡോവ്സ്കി നേടിക്കഴിഞ്ഞു.