പാറ്റ്ന: ഗ്രാമീണര്ക്കെതിരെ അകാരണമായി എടുത്ത നടപടിയില് നിന്നും നേപ്പാള് അതിര്ത്തി രക്ഷാസേന പിന്മാറി. ഇന്നലെ പതിവുപോലെ അതിര്ത്തി ഗ്രാമത്തിലെ ഗ്രാമീണര് വ്യാപാരത്തിനായി പോകുംവഴിയാണ് നേപ്പാള് അതിര്ത്തി സേനയുമായി ഏറ്റുമുട്ടലുണ്ടായത്. നേപ്പാള് അതിര്ത്തി കടന്നെന്ന് ആരോപിച്ചാണ് ഗ്രാമീണരെ തടഞ്ഞത്. എന്നാല് പതിവായി പോകുന്ന വഴിയിലുണ്ടായ നടപടിയെ ഗ്രാമീണര് പ്രതിരോധിച്ചതോടെ നടന്ന വെടിവെയ്പ്പില് ഒരു ഇന്ത്യന് പൗരന് കൊല്ലപ്പെടുകയും രണ്ടു പേര്ക്ക് പരിക്കേല്ക്കു കയും ചെയ്തു. വിദേശകാര്യമന്ത്രാലയത്തിന്റെ ഇടപെടല് ഉണ്ടായതോടെയാണ് ഗ്രാമീണരെ വിട്ടയച്ചത്.
സംഭവത്തിന് ശേഷം അതിര്ത്തിയില് മരുമകളുടെ വീട്ടിലേക്ക് പോവുകയായിരുന്ന രാം ലഗന് യാദവിനെ തടവിലാക്കിയതും ഗ്രാമീണരെ പ്രകോപിതരാക്കിയിരുന്നു. ഇന്ന് രാവിലെ രാം യാദവിനെ വിട്ടയച്ചതായി ബീഹാര് പോലീസ് അറിയിച്ചു. യാദവിന്റെ നേപ്പാള് സ്വദേശിയായ മരുമകള് കൊറോണ പ്രതിരോധ നിയന്ത്രണം ലംഘിച്ച് ഇന്ത്യന് പൗരന്മാരെ നേപ്പാളിലേക്ക് കടത്തുന്നുവെന്നാണ് നേപ്പാള് തെറ്റിദ്ധരിച്ചത്.
