ന്യൂഡല്ഹി: ബിഹാര് റെജിമെന്റിലെ സൈനികരുടെ ധീരതയ്ക്ക് അഭിവാദ്യം അര്പ്പിച്ച് ഇന്ത്യന് സൈന്യം. ബിഹാര് റെജിമെന്റ് ജവാന്മാരുടെ ധൈര്യത്തെ പ്രകീര്ത്തിച്ച് നോര്ത്തേണ് കമാന്ഡ് ആര്മി സാമൂഹ്യ മാദ്ധ്യമങ്ങളില് പങ്കുവെച്ച വീഡിയോ വൈറലാകുന്നു.
അതിര്ത്തി സംരക്ഷിക്കുന്നതിനായുള്ള ബിഹാര് റെജിമെന്റ് സൈനികരുടെ വീരോചിതമായ പോരാട്ട വീര്യം വിവരിക്കുന്ന വീഡിയോയാണ് നോര്ത്തേണ് കമാന്ഡ് ആര്മി പങ്കുവെച്ചിരിക്കുന്നത്. ലയണ്സ് ഓഫ് ബിഹാര് റെജിമെന്റ്, ധ്രുവ പേരാളികളുടെ വീരഗാഥ എന്നകുറിപ്പോടെയാണ് നോര്ത്തേണ് കമാന്ഡ് ആര്മി വീഡിയോ പങ്കുവെച്ചിരിക്കുന്നത്. നിരവധി പേരാണ് ഇതിനോടകം തന്നെ വീഡിയോ കണ്ടു കഴിഞ്ഞിരിക്കുന്നത്. എല്ലാ തിങ്കളാഴ്ച്ചയ്ക്ക് ശേഷവും ഉറപ്പായും ഒരു ചൊവ്വാഴ്ച്ച ഉണ്ടാകുമെന്ന് വീഡിയോയില് വ്യക്തമാക്കുന്നു. ഇത് ചൈനയുടെ അതിക്രമത്തിന് ഉറപ്പായും പ്രതികാരം ചെയ്യുമെന്നതിന്റെ സൂചനയാണ്.
കിഴക്കന് ലഡാക്കിലെ ഗാല്വനിലുണ്ടായ സംഘര്ഷത്തില് കേണലടക്കം 20 സൈനികര് വീരമൃത്യു വരിച്ചതിനെ തുടര്ന്നാണ് ബിഹാര് റെജിമെന്റിലെ ജവാന്മാര്ക്ക് നോര്ത്തേണ് കമാന്ഡ് ആര്മി ആദരവ് അര്പ്പിച്ചത്. ചൈനയുടെ പ്രകോപനത്തെ തുടര്ന്ന് ഇന്ത്യ നടത്തിയ തിരിച്ചടിയില് 40 ഓളം ചൈനീസ് സൈനികര് കൊല്ലപ്പെടുകയോ പരിക്കേല്ക്കുകയോ ചെയ്തതായാണ് റിപ്പോര്ട്ടുകള്.
#IndianArmy #21yearsofKargil
The Saga of #DhruvaWarriors and The Lions of #BiharRegiment.
"Born to fight.They are not the bats. They are the Batman."
"After every #Monday, there will be a #Tuesday. Bajrang Bali Ki Jai"@adgpi@MajorAkhill #NationFirst pic.twitter.com/lk8beNkLJ7— NorthernComd.IA (@NorthernComd_IA) June 20, 2020