ന്യൂഡല്ഹി: ബാങ്ക് ജീവനക്കാര്ക്ക് നേരെ തൊഴിലിടങ്ങളിലെ അക്രമം ഒരു കാരണവശാലും അംഗീകരിക്കാനാവില്ലെന്ന് കേന്ദ്ര ധനകാര്യമന്ത്രി. സൂറത്തിലെ ബാങ്ക് ജീവനക്കാരിയെ പോലീസ് ആക്രമിച്ച സംഭവത്തോട് പ്രതികരിക്കുകയായിരുന്നു നിര്മ്മല സീതാരാമന്. ഇതു സംബന്ധിച്ച് ട്വിറ്ററിലൂടെ ലഭിച്ച പരാതിയിലാണ് ധനകാര്യമന്ത്രിയുടെ പ്രതികരണം.
ബാങ്കില് ഇടപാടിനായി എത്തിയ പോലീസുകാരനാണ് ക്യാബിനില് കടന്ന് ജീവനക്കാരിയെ തല്ലിയത്. പോലീസാണെന്ന് ഭീഷണിമുഴക്കിയായിരുന്നു ഇയാള് ക്യാബിനില് അതിക്രമിച്ചു കയറിയത്. സിസി ടിവിയിലൂടെ ദൃശ്യം വൈറലായതോടെയാണ് ധനകാര്യമന്ത്രിയുടെ ട്വിറ്ററില് പരാതി എത്തിയത്. ദൃശ്യ സഹിതം വന്ന പരാതിയാണ് മന്ത്രിക്ക് ലഭിച്ചത്. ബാങ്ക് ജീവനക്കാരുടെ അഭിമാനത്തെയും സുരക്ഷയേയും സംരക്ഷിക്കാനുള്ള ബാധ്യത സര്ക്കാ റിനുണ്ടെന്നും കേന്ദ്ര ധനകാര്യമന്ത്രി പറഞ്ഞു.
സൂറത്ത് നഗരത്തിലെ സംഭവത്തെ തുടര്ന്ന് പോലീസ് കോണ്സ്റ്റബിളിനെ ഉടന് ജോലിയില് നിന്നും നീക്കിയതായി പോലീസ് കമ്മീഷണര് അറിയിച്ചു. നിലവിലെ സാഹചര്യത്തില് പൊതുസമൂഹത്തിനായി ഏറെ ത്യാഗങ്ങള് സഹിച്ചാണ് ബാങ്ക് ജീവനക്കാര് ജോലിചെയ്യുന്നത്. അവര്ക്ക് വേണ്ട സുരക്ഷ ഉറപ്പാക്കേണ്ടവര് തന്നെ നിയമം കയ്യിലെടുക്കുന്നത് അംഗീകരി ക്കാനാവില്ലെന്നും നിര്മ്മല സീതാരാമന് പ്രതികരിച്ചു. പോലീസ് കമ്മീഷണര് നേരിട്ട് അന്വേ ഷിച്ചാണ് നടപടി എടുത്തിരിക്കുന്നതെന്നും ധനകാര്യമന്ത്രി ചൂണ്ടിക്കാട്ടി.
