ദുബായ്: അന്താരാഷ്ട്ര ക്രിക്കറ്റ് കൗണ്‍സില്‍ എലീറ്റ് പാനലിലേക്ക് യോഗ്യത നേടി ഇന്ത്യന്‍ അമ്പയര്‍. നിതിന് മോനോനാണ് ഐ.സി.സി പാനലിലേക്ക് യോഗ്യത നേടിയിരിക്കുന്നത്. അന്താരാഷ്ട്ര ക്രിക്കറ്റില്‍ ഈ സ്ഥാനത്തേക്ക് എത്തുന്ന ഏറ്റവും പ്രായം കുറഞ്ഞ അമ്പയറെന്ന നേട്ടവും ഇന്ത്യന്‍ അമ്പയര്‍ക്കുണ്ട്.
മുന്‍ ഇന്ത്യന്‍ ക്രിക്കറ്റ് ടീം ക്യാപ്റ്റനും അന്താരാഷ്ട്ര അമ്പയറെന്ന നിലയില്‍ ഏറെ പ്രസിദ്ധനായ ശ്രീനിവാസ് വെങ്കിട്ടരാഘവനും സുന്ദരം രവിയ്ക്കും ശേഷം എലീറ്റ് പാനലിലെത്തുന്ന മൂന്നാമത്തെ ഇന്ത്യക്കാരനാണ് 36 കാരനായ നിതിന്. നിതിന്റെ അച്ഛന്‍ നരേന്ദ്ര മേനോനും മുന്‍ അന്താരാഷ്ട്ര ക്രിക്കറ്റ് അമ്പയറായിരുന്നു. മൂന്നു ടെസ്റ്റുകളും 24 ഏകദിനങ്ങളും 16 ടി20 മത്സരങ്ങളും നിതിന് ഇതുവരെ നിയന്ത്രിച്ചു കഴിഞ്ഞു.
എലീറ്റ് പാനലില്‍ ഉള്ള അമ്പയര്‍മാര്‍ക്കാണ് ലോകകപ്പ് ഫൈനല്‍ മത്‌സരങ്ങള്‍ , ആഷസ് പരമ്പര എന്നിവയില്‍ പങ്കെടുക്കാന്‍ കൂടുതല്‍ അവസരങ്ങള്‍ ലഭിക്കുക. അടുത്ത ആഷസിലേക്ക് നിതിന് അവസരം കിട്ടുമെന്നാണ് കരുതുന്നത്. മുന്‍ ഐ.സി.സി ജനറല്‍ മാനേജര്‍ ജോഫ് അലര്‍ഡൈസ്, മുന്‍ ഇന്ത്യന്‍ താരവും കമന്റേറ്ററുമായ സഞ്ജയ് മഞ്ചരേക്കര്‍, മാച്ച് റഫറി രഞ്ജന്‍ മധുഗലെ, മുന്‍ ബാറ്റ്‌സ്മാന്‍ ഡേവിഡ് ബൂണ്‍ എന്നിവരുടെ പാനലാണ് നിതിനെ തിരഞ്ഞെടുത്തത്.
POST YOUR COMMENTS
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.