മാഡ്രിഡ്: സ്പാനിഷ് ലീഗിലെ വലന്സിയ ക്ലബ്ബില് വന് അഴിച്ചുപണി. കോച്ചിനേയും ക്ലബ്ബ് ഡയറക്ടറേയുമാണ് പുറത്താക്കിയത്. ഇരുവരോടും നിര്ബന്ധമായി രാജി സമര്പ്പിക്കാന് ആവശ്യപ്പെടുകയായിരുന്നു. വലന്സിയയുടെ പരിശീലകന് ആല്ബെര്ട്ട് സെലാഡെസും ഡയറക്ടര് സീസര് സാഞ്ചെസുമാണ് പുറത്തായ പ്രമുഖര്. ലാ ലീഗയില് നിലവില് വലന്സിയ 8-ാം സ്ഥാനത്താണ്. മാത്രമല്ല കഴിഞ്ഞ നാലുകളികളില് മൂന്നിലും വലന്സിയ തോറ്റതും ക്ലബ്ബിന് വലിയ ക്ഷീണമായി. ഇതിനെതുടര്ന്നാണ് മാറ്റങ്ങള് വന്നത്.
വെറും 9 മാസത്തെ സേവനത്തിനിടെയാണ് സെലാഡെസിന്റെ പരിശീലന സ്ഥാനം നഷ്ടപ്പെടുന്നത്. കഴിഞ്ഞ സെപ്തംബറിലാണ് മാര്സെലോനോയെ പുറത്താക്കിയതിനെ തുടര്ന്നാണ് സെലാഡസ് ടീമിലെത്തിയത്. നിലവില് സെലാഡസിന്റെ പകരക്കാര
നായി വോറോ ഗോണ്സാലസിനെയാണ് വലന്സിയ പരിഗണിച്ചിരിക്കുന്നത്. സീസണ് തീരും വരെ പകരക്കാരനായിട്ടാണ് ഗോണ്സാലസിന്റെ ചുമതല. 2008ലും ഇതുപോലെ വലന്സിയയുടെ രക്ഷകനായി ഗോണ്സാലസ് താല്ക്കാലിക ചുമതല ഏറ്റിരുന്നു.
2014ല് ഫ്രാന്സ് പൗരനായ കോടീശ്വരന് പീറ്റര് ലിം ക്ലബ്ബിനെ മേടിച്ചശേഷം 6 വര്ഷത്തിനിടെ 6 പരിശീലകര്ക്കാണ് സ്ഥാനം തെറിച്ചത്. ഡയറക്ടര്മാരുടെ കാര്യത്തിലും അതേ കണക്കാണ് ആവര്ത്തിച്ചിരിക്കുന്നത്.
