ന്യൂഡല്ഹി : കൊറോണയെ തുടര്ന്നുള്ള ലോക് ഡൗണ് കാലത്തെ പാർട്ടിയുടെ പ്രവര്ത്തനങ്ങള് പ്രധാനമന്ത്രി ഇന്ന് വിലയിരുത്തും. ഇന്ന് വൈകീട്ട് നാല് മണിയോടെ പ്രധാനമന്ത്രി ബിജെപി സംസ്ഥാനഘടകങ്ങളുമായി കൂടിക്കാഴ്ച നടത്തും. അതാത് സംസ്ഥാനങ്ങളിലെ ബിജെപി നേതാക്കന്മാര് പ്രവര്ത്തനങ്ങളുടെ വിശദാംശങ്ങള് പ്രധാനമന്ത്രിക്ക് മുന്പാകെ അവതരിപ്പിക്കുമെന്ന് ബന്ധപ്പെട്ട വൃത്തങ്ങള് അറിയിച്ചു.
കൊറോണ വൈറസ് വ്യാപനത്തിന്റെ പശ്ചാത്തലത്തില് വീഡിയോ കോണ്ഫറന്സിംഗ് വഴിയാകും പ്രധാനമന്ത്രി പാര്ട്ടി പ്രവര്ത്തനങ്ങള് അവലോകനം ചെയ്യുക. നമോ ആപ്പ് വഴിയും മറ്റ് ഡിജിറ്റല് പ്ലാറ്റ്ഫോമുകളിലൂടെയും ഇത് സംപ്രേക്ഷണം ചെയ്യുമെന്നാണ് വിവരം
ലോക്ക് ഡൗണ് കാലത്തെ പാര്ട്ടി പ്രവര്ത്തനങ്ങള് പ്രധാനമന്ത്രി അവലോകനം ചെയ്യുമെന്ന വിവരം കഴിഞ്ഞ ദിവസം പാര്ട്ടി ജനറല് സെക്രട്ടറി അരുണ് ജെയ്ന് ആണ് അറിയിച്ചത്. പരിപാടിയില് പാര്ട്ടി മുതിര്ന്ന നേതാക്കളോട് പങ്കുചേരാനും അരുണ് ജെയ്ന് നിര്ദ്ദേശം നല്കിയിട്ടുണ്ട്.
സംസ്ഥാന നേതാക്കളുടെ അവതരണത്തിന് ശേഷം പ്രധാനമന്ത്രി പ്രതികരണങ്ങളും നിര്ദ്ദേശങ്ങളും അറിയിക്കും.
