നായിക സ്ഥാനത്തിനു വേണ്ടി മത്സരിക്കുന്നവര് ഒന്നു ശ്രദ്ധിക്കുക സിനിമാ ലോകത്തേക്ക് പുതിയൊരു നായിക കൂടി എത്തുന്നു എറിക്ക. ഇതൊരു സാധാരണ നായികല്ല. ജപ്പാനീസ് ഗവേഷകര് വികസിപ്പിച്ചെടുത്ത ഒരു റോബോര്ട്ടാണ്. ചോദ്യങ്ങള്ക്ക് പെട്ടന്നു തന്നെ ഉത്തരം നല്കാനും സംഭഷണത്തില് ഏര്പ്പെടാനും കഴിയുന്ന റോബോര്ട്ട്. നിപ്പണ് ടിവിയുടെ അനൗണ്സറായി സ്ക്രീനില് എത്തിയിട്ടുണ്ടെങ്കിലും സിനിമാ താരമെന്ന നിലയില് എറിക്കയുടെ അരങ്ങേറ്റമാണിത്. 700 ഡോളര് ബജറ്റില് നിര്മ്മിക്കുന്ന സയന് ഫിക്ഷന് സിനിമയായ ‘ബി’ യിലാണ് എറിക്ക നായികയാകുന്നത്. മനുഷ്യന്റെ ഡിഎന്എയെ കുറിച്ച് പഠിക്കുകയും അയിനായി പ്രവര്ത്തിക്കുകയും ചെയ്യുന്ന ഒരു ശാസ്ത്രജ്ഞന്റെ കഥയാണ് ‘ബി’ എന്ന സിനിമയിലൂടെ നമുക്ക് മുന്നിലെത്തുന്നത്.
ടെന് ടെന് ഗ്ലോബല് മീഡിയ, ഹാപ്പി മൂണ്, ബോണ്ടിറ്റ് മീഡിയ ക്യാപിറ്റല് തുടങ്ങി ഒന്നിലധികം ഗ്രൂപ്പുകള് ചേര്ന്നാണ് സിനിമയുടെ നിര്മ്മാണം. ഓസ്കാറിനു നാമനിര്ദ്ദേശം ചെയ്ത 2017 ലെ ആനിമേറ്റ് ചിത്രമായ ലവിംഗ് വിന്സെന്റ് എന്ന ചിത്രത്തിന്റെ നിര്മ്മാതാക്കളും ഇവരാണ്. കഴിഞ്ഞവര്ഷം ജപ്പാനില് ഭാഗികമായി ചിത്രീകരിച്ച സിനിമ 2021 ജൂണോടെ യൂറോപ്പില് ചിത്രണം പുനരാരംഭിക്കും എന്നാണ്പ്രതീക്ഷ.
സുന്ദരികളായ മുപ്പത് സ്ത്രീകളുടെ ചിത്രങ്ങളും സവിശേഷതകളും കൂട്ടിക്കലര്ത്തിയാണ് എറിക്കയെ രൂപപ്പെടുത്തിരിക്കുന്നത്. കഥാപാത്രത്തിന് അനുസരിച്ച വികാരങ്ങളും വിചാരങ്ങളും ചലനങ്ങളും ചലന വേഗതയും ശരീരഭാഷയും എറിക്കിനെ ഗവേഷകര് പരിശീലിപ്പിച്ചെടുത്തണ്ട്. ജപ്പാനില് നിന്ന് ബിഗ് സ്ക്രീനില് എത്തുന്ന ആദ്യ റോബോട്ട് എറിക്കയല്ല. 2015 ‘ജെമിനോയിഡ് എഫ്’ എന്ന റോബോട്ട് ജപ്പാനീസ് ചിത്രമായ സൈനോരയില് അഭിനയിച്ചിട്ടുണ്ട്. സിനിമകളില് റോബോര്ട്ടുകളെ കണ്ടിട്ടുണ്ടെങ്കിലും നായികയായി എത്തുന്നത് പുതിയ കാഴ്ചയാണ്. ശാസ്ത്രലോകത്തിന്റെ വിജയമായിതന്നെ ഇതിനെ കാണാം. എറിക്കയുടെ വരവിനായി പ്രേക്ഷകര് കാത്തിരിക്കുന്നു.
