കേള്ക്കുമ്പോള് അസാധാരണമായി തോന്നാമെങ്കിലും ഇതിലും ചില വാസ്തവമുണ്ട്. ആരോഗ്യം മെച്ചപ്പെടുത്തുന്നതിനുളള ഇന്ത്യയുടെ പരമ്പരാഗത സമ്പ്രദായമാണ് യോഗ. എന്നാല് ഇതിലൂടെ ശാരീരിക ആരോഗ്യം മാത്രമല്ല മാനസിക ആരോഗ്യവും മെച്ചപ്പെടുത്താം. പുതിയ കാലത്തിന്റെ പോക്ക് വളരെ വേഗത്തിലാണ്. വീട്ടുകാരോട് ഇടപഴകുന്നതിലും കൂടുതല് സമയവും നമ്മുടെ ഇടപെടല് മൊബൈല് ഫോണുകളുമായാണ്. രാവിലെ മുതല് വൈകിട്ട് വരെയുള്ള ഓട്ടം കഴിഞ്ഞ് ഓരോ ഗൃഹനാഥനും വീട്ടില് തിരിച്ചെത്തുന്നത് ഒരുപാട് മാനസിക സമ്മര്ദ്ദങ്ങള് നേരിട്ടു കൊണ്ടാണ്.
സാമ്പത്തികമായും ജോലി സംബന്ധമായും ശാരീരികമായും ഒരുപാട് ബുദ്ധിമുട്ടുകള് അവര് അനുഭവിക്കുന്നു. ഈ പ്രശ്നങ്ങള് ആശയവിനിമയത്തില് പൊരുത്തക്കേടുകള് ഉണ്ടാവാനും കുടുംബ പ്രശ്നങ്ങള്ക്കും കാരണമാകുന്നു. എന്നാല് ഇതില് നിന്നെല്ലാം ഒരു പരിധിവരെ യോഗ ആശ്വാസം നല്കുന്നു. ശരിയായ ഉറക്കം ലഭിക്കാത്തത് ആരോഗ്യമുള്ള ഒരു ദിവസത്തെ ഇല്ലാതാക്കുന്നു. ആ ദിവത്തെ എല്ലാ പ്രവര്ത്തനങ്ങളെയും അത് വിപരീതമായി ബാധിക്കുന്നു. ഒരു ദിവസം അരമണിക്കൂറെങ്കിലും യോഗ അഭ്യസിക്കുന്നത് നമ്മുടെ മാനസികോല്ലാസം വര്ധിപ്പിക്കുന്നു. അതിലൂടെ ടെന്ഷനുകളും മാനസിക ബുദ്ധിമുട്ടുകളും ഇല്ലാതാക്കുന്നു.
തുടര്ന്ന് കുടുംബത്തിനും സന്തോഷം ഉണ്ടാകും. മാനസിക സമ്മര്ദ്ദം, അമിതദേഷ്യം, തളര്ച്ച രക്തശുദ്ധീകരണം, ശേഷിക്കുറവ് എന്നിവയെല്ലാം ഇല്ലാതാക്കാന് ഒരു പരിധിവരെ യോഗയ്ക്ക് സാധിക്കുന്നു. ഇതുമൂലം മനസ്സിനും കുടുംബത്തിനും ഒരുപോലെ സമാധാനം ഉണ്ടാകുന്നു. മനസ്സിനെ പൂര്ണമായും തൃപ്തിപ്പെടുത്താന് യോഗയ്ക്ക് സാധിക്കുന്നു. ശരീരത്തിലെ രക്തയോട്ടം ക്രമമായ രീതിയില് നടക്കുന്നതിനും പ്രതിരോധ ശേഷി വര്ധിപ്പിക്കാനും ശ്വാസകോശത്തെ ആരോഗ്യമുള്ളതാക്കാനും ശ്വാസോച്ഛ്വാസം വേണ്ട രീതിയില് നടക്കാനും യോഗ സഹായിക്കുന്നു. മനുകുടുംബത്തില് വേണ്ടത് സമാധാനവും ശാന്തതയുമാണ്. ഇവരണ്ടും യോഗയിലൂടെ സാധിക്കുന്നു. യോഗാ ശീലമാക്കുന്നതിലൂടെ നിങ്ങളുടെ കുടുംബത്തിലും സമാധാനമുണ്ടാകും എന്ന കാര്യത്തില് സംശയമില്ല.
Comments