മാഡ്രിഡ് : റയല് സ്പാനിഷ് ലീഗ് ചാമ്പ്യന്മാരാകുന്നതിലേക്ക് ഒരുപടി കൂടി അടുത്തു. ഇന്നലെ നടന്ന മത്സരത്തില് അത്ലറ്റികോ ബില്ബാവോക്കെതിരെയാണ് റയല് ജയം നേടിയത്. ഏക ഗോളിനാണ് റയലിന്രെ ജയം. ക്യാപ്റ്റനായ സെര്ദിയോ റാമോസാണ് ലാ ലീഗയില് റയലിന്റെ വിജയക്കുതിപ്പിന് വീണ്ടും കാരണമായത്. കഴിഞ്ഞ കളിയിലും റാമോസ് ഗോളടിച്ചിരുന്നു.
ആദ്യ പകുതിയിലെ ഗോള് രഹിതമായ ശേഷമാണ് 73-ാം മിനിറ്റില് റാമോസിന്റെ വിജയ ഗോള് നേടിയത്. രണ്ടു പ്രധാന കളിക്കാരുടെ പരിക്കുകള് റയലിനെ ബാധിച്ചില്ല. ഏദന് ഹസാര്ഡും റാഫേല് വരാനും പരിക്കുമൂലം വിശ്രമത്തിലാണ്.
ലീഗിലെ തൊട്ടടുത്ത എതിരാളി ബാഴ്സലോണയില് നിന്നും വീണ്ടും പോയിന്റ് നിലയില് മുന്നേറാന് റയലിന് സാധിച്ചു. 34 കളികളിലായി 77 പോയിന്റുകളാണ് റയലിനുള്ളത്. ബാഴ്സലോണയേക്കാള് 4 പോയിന്റുകളുടെ ലീഡാണ്റയലിനുള്ളത്. ബാഴ്സ 34 കളികളിലായി 73 പോയിന്റുകളാണ് നേടിയിരിക്കുന്നത്. കൊറോണ കാലത്തെ കളികളില് തുടര്ച്ചയായ 7-ാം ജയം നേടിയാണ് റയല് കിരീട പ്രതീക്ഷ നിലനിര്ത്തിയിരിക്കുകയാണ്. ബാഴ്സയും ഇന്നലെ ജയം നേടി മുന്നേറിയിരിക്കുകയാണ്. ഇരുടീമുകളും എല്ലാ കളികളിലും ജയിക്കുക എന്നത് ലീഗ് വിജയിയെ നിശ്ചയിക്കാന് ഏറെ നിര്ണ്ണായകമാണ്.