കാന്പൂര്: പോലീസുദ്യോഗസ്ഥരെ കൂട്ടക്കൊലചെയ്ത പ്രതിയുടെ തലയ്ക്ക് രണ്ടര ലക്ഷം രൂപ വിലയിട്ട് ഉത്തര് പ്രദേശ് പോലീസ്. കഴിഞ്ഞ ദിവസം പ്രതിയെക്കുറിച്ച് വിവരം നല്കുന്ന വര്ക്ക് അരലക്ഷം രൂപയെന്ന മാനദണ്ഡമാണ് പുതുക്കി പ്രഖ്യാപിച്ചത്. കൊടുംകുറ്റവാളി യായതിനാല് പ്രതിഫലം കൂട്ടിയില്ലെങ്കില് ആരും കൊലയാളിയെ പിടിക്കാന് മുന്നോട്ടുവരില്ല എന്ന സ്ഥിതിയാണെന്നും യു.പി. കാന്പൂര് മേഖല ഐ.ജി.വ്യക്തമാക്കി. ഇതിനിടെ സംസ്ഥാനത്തെ എല്ലാ ചെക്പോസ്റ്റുകളിലും വികാസ് ദുബെയുടെ പോസ്റ്ററുകള് പതിപ്പിച്ചും പോലീസ് തിരച്ചില് ഊര്ജ്ജിതമാക്കി.
കൊടും കുറ്റവാളിയായ വികാസ് ദുബെക്കെതിരെ റെയ്ഡ് നടത്തിയ ഒരു ഡെപ്യൂട്ടീ പോലീസ് സൂപ്രണ്ടും സഹായികളായ 7 പോലീസുകാരുമാണ് ദുബെയുടേയും സഹായികളുടേയും വെടിയേറ്റ് വീരചരമം അടഞ്ഞത്. തുടര്ന്ന് വീടു വളഞ്ഞ ജില്ലാ ഭരണകൂടം ദുബെയുടെ വീടും മറ്റ് വാഹനങ്ങളുമടക്കം ജെ.സി.ബി. ഉപയോഗിച്ച് തകര്ത്തുകളഞ്ഞു. വീടിനകത്ത് നടത്തിയ റെയ്ഡില് വന് തോതില് ആയുധങ്ങളും പിടിച്ചെടുത്തിട്ടുണ്ട്.