ലഡാക്: ഇന്ത്യയുടെ അതിര്ത്തിയില് എല്ലാമേഖലയിലേക്കും എത്താന് പാകത്തിനുള്ള മൂന്ന് പാലങ്ങള് നിര്മ്മിച്ച് ബോര്ഡര് റോഡ് ഓര്ഗ്ഗനൈസേഷന്. ലഡാക്കില് ചൈനയുടെ കടന്നുകയറ്റത്തെ തടയാന് പാകത്തിനുള്ള റോഡുകളിലേയ്ക്കുള്ള മൂന്നു പാലങ്ങളാണ് അതിവേഗം നിര്മ്മിച്ചിരിക്കുന്നത്. ഇന്ത്യന് സൈന്യത്തിന്റെ എല്ലാ വാഹനങ്ങളും ആയുധ ങ്ങളും ടാങ്കുകളും അതിര്ത്തിയില് എത്തിക്കാനുള്ള സംവിധാനമാണ് പൂര്ത്തികരി ച്ചിരിക്കുന്നത്. ലഡാക്കിലെ കിഴക്കന് മേഖലയിലാണ് നിര്മ്മാണം നടന്നി രിക്കുന്നത്. ഇതിനിടെ ചൈനയുടെ എതിര്പ്പുകള് ബി.ആര്.ഒയെ ഇന്ത്യന് ഭരണകൂടം ഏല്പ്പിച്ച ജോലി പൂര്ത്തിയാക്കാന് തടസ്സമല്ലെന്നും ഉദ്യോഗസ്ഥര് വ്യക്തമാക്കി.
24 ടണ് ഭാരം മാത്രം കയറ്റാന് കഴിയുമായിരുന്ന പഴയ ബെയ്ലി പാലമാണ് ബി.ആര്.ഒ ആദ്യം മാറ്റി സ്ഥാപിച്ചത്. പുതിയ പാലത്തിലൂടെ 70 ടണ് ഭാരമുള്ള വാഹനങ്ങള് അനായാസം കടന്നുപോകും. നിമു മേഖലയിലെ ഈ പാലം വെറും മൂന്ന് മാസം കൊണ്ടാണ് പൂര്ത്തിയാ ക്കിയത്. രണ്ടാമത്തെ പാലം ബാസ്ഗോയിലും മൂന്നാമത്തേത് ശ്രീനഗര്-ലേ ദേശീയപാതയിലെ ഉലേ തോപ്പോയിലുമാണ് നിര്മ്മിച്ചിരിക്കുന്നത്.
അതിര്ത്തിയിലെ സുപ്രധാന മേഖലയായ കിലോമീറ്റര് 397, 361,362 എന്നീ ഭാഗത്താണ് പാലങ്ങള് വന്നിരിക്കുന്നതെന്ന് ബി.ആര്.ഒ എഞ്ചിനീയര് ബി. കൃഷ്ണന് പറഞ്ഞു. 50 മീറ്റര് നീളമാണ് പാലത്തിനുള്ളത്. ആര്-7 എന്ന് വിഭാഗത്തില്പ്പെട്ട പാലമാണ് നിര്മ്മിച്ചിരി ക്കുന്നതെന്നും ബി.ആര്.ഒ വ്യക്തമാക്കി.
