ആലപ്പുഴ: പൊതുവേദിയിൽ സിപിഎമ്മിനെതിരെ വിമർശനം ആവർത്തിച്ച് ജി. സുധാകരൻ എംഎൽഎ. ആലപ്പുഴയിലെ റസിഡൻസ് അസോസിയേഷൻ യോഗത്തിൽ സംസാരിക്കവെയാണ് സിപിഎം നേതൃത്വത്തെയും അമ്പലപ്പുഴ പോലീസിനെയും അദ്ദേഹം രൂക്ഷമായി വിമർശിച്ചത്.
സിപിഎം നേതാക്കൾ വയോജന പാഠശാലയിൽ പോയി വിദ്യാഭ്യാസം നേടണമെന്നും, ജനങ്ങളോട് എങ്ങനെ പെരുമാറണമെന്ന് ആദ്യം പഠിക്കണമെന്നുമാണ് സുധാകരൻ പറഞ്ഞത്. തന്റെ ഓഫീസിലേക്ക് പ്രതിഷേധ മാർച്ച് നടത്താൻ എന്തായിരുന്നു കാരണമെന്നും അദ്ദേഹം ചോദിച്ചു.
തന്റെ ഓഫീസിലേക്ക് നടത്തിയ സിപിഎം മാർച്ചിനെതിരെയും അന്ന് പോലീസിന്റെ നിലപാടിനെയും സുധാകരൻ വിമർശിച്ചു. ഭരണം മാറിയ കാര്യം ഇപ്പോഴും അമ്പലപ്പുഴയിലെ ചില പോലീസുകാർക്ക് മനസ്സിലായിട്ടില്ലെന്നായിരുന്നു അദ്ദേഹത്തിന്റെ പരാമർശം.
