കേപ്ടൗണ്: കറുത്തവര്ഗ്ഗക്കാര്ക്കെതിരെ നടക്കുന്ന അക്രമങ്ങള്ക്കെതിരെ പ്രചാരണം നടത്തു മെന്ന് ദക്ഷിണാഫ്രിക്കന് ക്രിക്കറ്റ് ബോര്ഡ്. നിലവില് ബ്ലാക് ലൈവ്സ് മാറ്റേഴ്സ് എന്ന മുദ്രാവാക്യം ഉയര്ത്തുന്നതിന് പകരം വ്യത്യസ്തമാര്ന്ന രീതികളാണ് ആലോചിക്കുന്നതെന്നും ദക്ഷിണാഫ്രിക്ക പറഞ്ഞു.
‘ദക്ഷിണാഫ്രിക്കയില് നടക്കാനിരിക്കുന്ന എല്ലാ ക്രിക്കറ്റ് മത്സരങ്ങളിലും വര്ണ്ണവിവേ ചനത്തെ എതിര്ക്കുന്ന വാചകങ്ങള് ഷര്ട്ടില്തന്നെ പ്രിന്റ് ചെയ്യുമെന്നതാണ് ഒരു ആശയമായി അവര് പറയുന്നത്. ‘ വര്ണ്ണവിവേചനത്തിനെതിരായി വ്യത്യസ്ത മാര്ഗ്ഗങ്ങളാണ് തീരുമാനി ച്ചിരിക്കുന്നത്. അതിനായുള്ള കിറ്റുകള് തയ്യാറായിക്കൊണ്ടിരിക്കുകയാണ്. ദക്ഷിണാ ഫ്രിക്കയുടെ നിത്യജീവിതത്തില് വര്ണ്ണവിവേചനം ഒരു പ്രധാന പ്രശ്നമായതിനാല് കൂടുതല് ഫലപ്രദമായ രീതികളാണ് പ്രായോഗികം’ മുന് നായകന് ഗ്രെയിം സ്മിത്ത് പറഞ്ഞു.
ഈ മാസം 18-ാം തീയതി മണ്ഡേലാ ദിനത്തിലാണ് ക്രിക്കറ്റ് ടൂര്ണ്ണമെന്റ് ദക്ഷിണാഫ്രിക്ക നടത്തുന്നത്. ആ ദിനത്തില് മണ്ഡേല ജയില്വാസം അനുഷ്ഠിച്ച 27 വര്ഷങ്ങളെ അനുസ്മരിച്ച് 27 മിനിറ്റ് എല്ലാ ജനങ്ങളും മറ്റുള്ളവര്ക്കായി സേവനങ്ങള് ചെയ്യണമെന്നാണ് ഭരണകൂടം തീരുമാനിച്ചിരിക്കുന്നത്.
