ന്യൂയോര്ക്ക്: ഇന്ത്യ പാരമ്പര്യേതര ഊര്ജ്ജരംഗത്ത് നല്കിക്കൊണ്ടിരിക്കുന്ന സംഭാവന കള്ക്ക് ഐക്യരാഷ്ട്ര സഭയുടെ പ്രശംസ. സഭയുടെ സെക്രട്ടറി ജനറല് ആന്റോണിയോ ഗുട്ടാറസാണ് ഇന്ത്യയുടെ ഊര്ജ്ജരംഗത്തെ മികച്ച പ്രവര്ത്തനങ്ങളെ എടുത്തുപറഞ്ഞത്.
അന്താരാഷ്ട്ര രംഗത്തെ വാര്ഷിക കാലാവസ്ഥാ അവലോകവനവും അന്തരീക്ഷ മലിനീകരണ അവലോകനവും നടത്തുന്നതിനിടെയാണ് ഇന്ത്യ നല്കുന്ന മികച്ച പിന്തുണയ്ക്ക് ഐക്യരാഷ്ട്രസഭ നന്ദി അറിയിച്ചത്. ഇന്റര്നാഷണല് എനര്ജി ഏജന്സി ക്ലീന് എനര്ജി ട്രാന്സിഷന് ഉച്ചകോടിയിലാണ് ഇന്ത്യയ്ക്ക് അഭിനന്ദനം ലഭിച്ചത്. ഇന്ത്യ സൗരോര്ജ്ജരംഗത്ത് കൊറോണ കാലത്തെ ഊര്ജ്ജപ്രതിസന്ധി പരിഹരിക്കാന് നടത്തിയ സേവനങ്ങളും സഭ എടുത്തുപറഞ്ഞു.
ഇന്ത്യയുടെ ഐക്യരാഷ്ട്രസഭ സ്ഥിരം പ്രതിനിധിയാണ് ഐക്യരാഷ്ട്ര സഭാ സെക്രട്ടറി ആന്റോണിയോ ഗുട്ടാറസിന്റെ പ്രസംഗം ട്വിറ്ററിലൂടെ അറിയിച്ചത്. ‘ മാറ്റങ്ങളുടെ വിത്തുവിത യ്ക്കല് നടന്നിരിക്കുകയാണ്. 2020ല് വളരാന് സാധ്യതയുള്ള ഏക പാരമ്പ്യരേതര ഊര്ജ്ജ മേഖല എന്നത് സൗരോര്ജ്ജം മാത്രമാണ്. കൊറോണകാലത്തും ആ മേഖലയിലാണ് ഏറ്റവും കാര്യക്ഷമമായ മുന്നേറ്റം നടന്നത്. ഇന്ത്യ അതിന് ഏറ്റവും മികച്ച ഉദാഹരണമാണ്’ഗുട്ടാറസ് തന്റെ പ്രസംഗത്തില് വ്യക്തമാക്കി.
നരേന്ദ്രമോദി അധികാരമേറ്റ ശേഷം ഏറ്റവും അധികം പ്രാധാന്യം കൊടുത്ത സൗരോര്ജ്ജ പദ്ധതികള് നാലുവര്ഷം മുന്നേ തന്നെ ലോക ശ്രദ്ധ പിടിച്ചുപറ്റിയിരുന്നു. ഇന്ത്യ നേരിട്ട് ഐക്യരാഷ്ട്രസഭയുടെ ആസ്ഥാനത്ത് ഗാന്ധി സോളാര് പാര്ക് എന്ന പേരില് 50 കിലോ വാട്ടിന്റെ വൈദ്യുതിവിതരണ സംവിധാനം സമ്മാനിച്ചിരുന്നു.
