മാഞ്ചസ്റ്റര്: ഇംഗ്ലണ്ട് ബൗളിംഗ് നിരയില് രണ്ടാം ടെസ്റ്റില് അപ്രതീക്ഷിത മാറ്റം. ആദ്യ ടെസ്റ്റില് തിളങ്ങിയ ജോഫ്ര ആര്ച്ചറിനെയാണ് കളിയില് നിന്നും വിലക്കിയത്. ആദ്യ ടെസ്റ്റിനിടെ വീട്ടില് പോയി വന്ന ജോഫ്ര ആര്ച്ചര് കൊറോണ ബയോ പ്രോട്ടോക്കോള് ലംഘിച്ചെന്നാണ് ഇംഗ്ലീഷ് ക്രിക്കറ്റ് ബോര്ഡ് വിശദീകരണം നല്കിയത്.
ആദ്യ ടെസ്റ്റിലെ ആദ്യ ഇന്നിംഗ്സില് നിറംമങ്ങിയ ആര്ച്ചര് പക്ഷെ രണ്ടാം ഇന്നിംഗ്സില് ഗംഭീര പ്രകടനമാണ് നടത്തിയത്. വെറും 17 ഓവറില് മൂന്ന് മെയ്ഡന് ഓവറടക്കം 45 റണ്സുമാത്രം വിട്ടുകൊടുത്താണ് നിര്ണ്ണായകമായ 3 വിക്കറ്റുകള് വീഴ്ത്തിയത്. ബ്രാത്വെയ്റ്റ്, ബ്രൂക്സ്, ചെയ്സ് എന്നീ സുപ്രധാന ബാറ്റ്സ്മാന്മാരെയാണ് ആര്ച്ചര് പുറത്താക്കിയത്.
