മിലാന്: ഇറ്റാലിയന് ലീഗിലെ അവസാന മത്സരങ്ങളില് ജയവും സമനിലയുമായി മുന്നിരക്കാര്. റോമ ഒന്നിനെതിരെ ആറു ഗോളുകള്ക്ക് സ്പാളിനെയാണ് തകര്ത്തെറിഞ്ഞത്. രണ്ടാം മത്സരത്തില് ഇന്റര്മിലാനെ ഗോള്രഹിത സമനിലയില് പിടിച്ചുകെട്ടി ഫിയോറന്റീന മികച്ച കളിയാണ് പുറത്തെടുത്തത്. ഇന്നു നടന്ന മറ്റ് മത്സരങ്ങളില് വെറോണയും ടോറിനോയും ഒരോ ഗോളുകളടിച്ച് സമനിലയില് പിരിഞ്ഞപ്പോള് ലെസ്സേ 3-2ന് ബ്രെസിയയേയും ജെനോവ 2-1ന് സാംദോറിയയേയും തോല്പ്പിച്ചു.
ലീഗിലെ 20-ാം സ്ഥാനത്തുമാത്രമുള്ള സ്പാളിന്റെ കളത്തില് അതിശക്തമായ ആക്രമണമാണ് അഞ്ചാം സ്ഥാനക്കാരായ റോമ നടത്തിയത്. പെരസിന്റെ ഇരട്ട ഗോളുകളാണ് കളിയുടെ സവിശേഷത. കാലിനിക്, കാള്സ്,കൊലാരേവ്, സാനിയോള എന്നിവരാണ് മറ്റ് ഗോളുകള് നേടിയത്.