വെളുത്തുള്ളിയുടെ പലതരത്തിലുള്ള ഗുണങ്ങൾ നമുക്കറിയാം . എന്നാൽ ഉറക്കക്കുറവ് പരിഹരിക്കാൻ വെള്ളുത്തുള്ളിക്ക് കഴിയും എന്നത് പലർക്കും അറിയാൻ സാധ്യത ഉണ്ടാവുകയില്ല .
വെളുത്തുള്ളിയുടെ ഔഷധഗുണങ്ങൾ വർണ്ണിക്കാവുന്നതിൽ അധികമാണ് . വൈറ്റമിൻ ബി 6 , തിയമിൻ , പാൻറ്റൊതെനിക് ആസിഡ് , വൈറ്റമിൻ സി , ഭക്ഷണ ധാതുക്കൾ , മാങ്ഗനീസ് , ഫോസ്ഫറസ് , കാൽസ്യം , ഇരുമ്പ് സത്ത് , സിങ്ക് തുടങ്ങിയവ വെളുത്തുള്ളിയിൽ അടങ്ങിയിരിക്കുന്നു . വെളുത്തുള്ളി കൂടുതലായി ഉപയോഗിക്കുന്നതിലൂടെ പ്രോസ്റ്റേറ്റ് കാൻസർ വരുന്നത് തടയാൻ സാധിക്കും എന്ന് പഠനങ്ങൾ തെളിയിച്ചിട്ടുണ്ട് . കൂടാതെ വെളുത്തുള്ളിയിൽ അടങ്ങിയിട്ടുള്ള വൈറ്റമിനുകളും ധാതുക്കളും മൂക്കടപ്പ് തുടങ്ങിയ അസുഖങ്ങൾക്കും ഫലപ്രദമാണ് എന്നും പഠനങ്ങൾ പറയുന്നു .
മറ്റൊരു വസ്തുത വെളുത്തുള്ളി കൂടുതൽ കഴിച്ചാൽ കൊതുക് കടിയിൽ നിന്ന് രക്ഷ നേടാം എന്നുള്ളതാണ് . കേട്ടാൽ വിചിത്രമായി തോന്നുന്ന കാര്യം. എന്നാൽ ഇതൊരു വസ്തുത തന്നെയാണ് .ഇതിന് കാരണം , ഉറങ്ങുന്നതിന് മുൻപ് വെളുത്തുള്ളി അടങ്ങിയ ഭക്ഷണം കഴിച്ചാൽ , ദഹനസമയത്ത് വെളുത്തുള്ളിയിൽ അടങ്ങുന്ന ധാതുക്കൾ വിഭജിച്ചു അതിലടങ്ങിയിരിക്കുന്ന സൾഫറിനെ പുറത്തേക്കു വമിപ്പിക്കുന്നു . സൾഫറിന്റെ ഗന്ധം കൊതുകുകളെ ശരീരത്തിൽ നിന്ന് അകറ്റി നിർത്തുകയും ചെയ്യുന്നു .
തൊലി കളയാത്ത ഒരു അല്ലി വെളുത്തുള്ളി തലയിണക്കടിയിൽ വെച്ചാൽ നന്നായി ഉറക്കം ലഭിക്കും എന്നാണ് പറയപ്പെടുന്നത് . ഉറങ്ങാൻ കിടക്കുമ്പോൾ ശരീരത്തിലെ ഊഷ്മാവ് വെള്ളുത്തുള്ളിയിൽ മാറ്റങ്ങൾ ഉണ്ടാക്കുകയും , അതിൽ അടങ്ങിയിരിക്കുന്ന സൾഫറിനെയും സിങ്കിനെയും പുറത്തേക്ക് വമിപ്പിക്കുകയും ചെയ്യും . ഇപ്രകാരം ഉണ്ടാകുന്ന ഗന്ധത്തിന് അണുക്കളെ നശിപ്പിക്കാനുള്ള കരുത്തുണ്ട് , കൂടാതെ നമ്മുടെ മനസ്സിനെ ശാന്തമാക്കുകയും പെട്ടെന്ന് തന്നെ ഉറക്കത്തിലേക്കു വഴുതി വീഴാൻ സഹായിക്കുകയും ചെയ്യും . ഗാഢവും ആരോഗ്യകരവുമായ ഉറക്കം ഒരു ചെറിയ അല്ലി വെളുത്തുള്ളി കൊണ്ട് നമ്മുക്ക് സാധ്യമാക്കാവുന്നതാണ്. വെളുത്തുള്ളി വെക്കുമ്പോൾ മാത്രമേ മുറിയിൽ ഗന്ധം കാണുകയുള്ളൂ , പുലരുമ്പോഴേക്കും അതിന്റെ ഗന്ധം അപ്പാടെ അപ്രത്യക്ഷമായിരിക്കും കൂടാതെ നമ്മയുടെ ശരീരത്തിൽ വെളുത്തുള്ളിയുടെ ഗന്ധം നിലനിൽക്കുകയില്ല. ദിവസവും തലയിണക്കടിയിൽ നിന്ന് വെളുത്തുള്ളി അല്ലി മാറ്റി പുതിയത് വെക്കാൻ ശ്രദ്ധിക്കേണ്ടതാണ് .
രാത്രി ഉറങ്ങാൻ കിടക്കുന്നതിനു മുൻപ് വെളുത്തുള്ളി ധാരാളം അടങ്ങിയിട്ടുള്ള സൂപ്പ് കുടിക്കുകയോ, ചെറു ചൂടുള്ള പാലിൽ വെളുത്തുള്ളി ഒരല്പം തേനിൽ ചാലിച്ച് കഴിക്കുന്നതും നല്ല ഉറക്കം കിട്ടാൻ സഹായിക്കുന്നതാണ് .
