ലണ്ടന്: യൂറോപ്പാ ലീഗില് ലെവര്കൂസനും സെവിയയും ക്വാര്ട്ടറിലെത്തി. ഇന്നലെ നടന്ന പ്രീ ക്വാര്ട്ടര് പോരാട്ടത്തില് ജയിച്ചാണ് ടീമുകള് അവസാന 8 സ്ഥാനത്തേയ്ക്ക് കടന്നിരിക്കുന്നത്. ലെവര്കൂസന് 1-0ന് റെയ്ഞ്ചേഴ്സിനെ തോല്പ്പിച്ചപ്പോള് സെവിയ എതിരില്ലാത്ത രണ്ടുഗോളു കള്ക്കാണ് ജയിച്ചത്. മറ്റ് മത്സരങ്ങളിലായി വൂള്വ്സും ബേസലും എതിരില്ലാത്ത ഓരോ ഗോളുകള്ക്കാണ് എതിരാളികളെ മറികടന്നത്. വൂള്വ്സ് ഒളിമ്പിയാക്കോസിനേയും ബേസല് ഈന്ട്രാഷേറ്റ് ഫ്രാങ്ക്ഫര്ട്ടിനെയും തോല്പ്പിച്ചു.
ഗ്രൂപ്പ് എയിലെ ഒന്നാം സ്ഥാനക്കാരായ സെവിയ ഗ്രൂപ്പ് ജെയിലെ രണ്ടാം സ്ഥാനക്കാരായി പ്രീക്വാര്ട്ടറിലെത്തിയ റോമയെയാണ് തോല്പ്പിച്ചത്. ഗ്രൂപ്പ് ജിയിലെ രണ്ടാം സ്ഥാനക്കാരായി പ്രീക്വാര്ട്ടറിലെത്തിയ റേയ്ഞ്ചേഴ്സിനെയാണ് ലെവര്കൂസന് മറികടന്നത്. ഗ്രൂപ്പ് കെയില് രണ്ടാം സ്ഥാനക്കാരായ വൂള്വ്സും ഗ്രൂപ്പ് എഫിലെ രണ്ടാം സ്ഥാനക്കാരായ എന്ട്രാഷേ ഫ്രാങ്ക്ഫര്ട്ടുമാണ് ക്വാര്ട്ടറിലെത്തിയത്.
ക്വാര്ട്ടറില് ഇന്റര് മിലാന് ലെവര്കൂസനേയും മാഞ്ചസ്റ്റര് യുണൈറ്റഡ് കോപ്പന്ഹേഗനേയും നേരിടും. മറ്റ് ക്വാര്ട്ടറുകളില് ഷാക്തര് ഡോണ്സ്റ്റെക് ബേസലിനോടും വൂള്വ്സ് സെവിയയോടും ഏറ്റുമുട്ടും. 11ഉം 12ഉം തീയതികളിലാണ് യൂറോപ്പാ ലീഗ് ക്വാര്ട്ടര് പോരാട്ടം.
