മുംബൈ: ഇന്ത്യന് പ്രീമിയര് ലീഗ് മത്സരങ്ങള് തീര്ത്തും നിറം മങ്ങാന് സാധ്യത. ലൈറ്റുകളും പാട്ടും കമന്ററികളും ഇല്ലാതെയുള്ള സാധാരണ രീതിയിലാണ് മത്സരം നടക്കുക എന്നാണറിവ്. ഐ.പി.എല്ലിന്റെ ഹരമായ ചീയര്ഗേള്സിന്റെ ഡാന്സുകളോ ആര്പ്പുവിളികളോ ഇത്തവണ പ്രതീക്ഷിക്കേണ്ടെന്നാണ് അധികൃതര് പറയുന്നത്.
കൊറോണ മാനദണ്ഡങ്ങള് കാരണം കളിക്കാര് തമ്മില് ഹസ്തദാനം ചെയ്യേണ്ടെന്നാണ് ഒരു പ്രധാന തീരുമാനം. ഒപ്പം തന്നെ കളികള്ക്കിടയില് കമന്റേറ്റര്മാര് ഗ്രൗണ്ടിലിറങ്ങിവരുന്ന ശീലവും ഇത്തവണ ഐ.പി.എല്ലില് ഉണ്ടാവില്ലെന്നും അധികൃതര് അറിയിച്ചു.
യു.എ.ഇയിലെ സ്റ്റേഡിയങ്ങളിലാണ് സെപ്തംബര് 19 മുതല് മത്സരങ്ങള് നടക്കുന്നത്. ദുബായ്, അബുദാബി, ഷാര്ജ ക്രിക്കറ്റ് അസോസിയേഷനുകളാണ് സംയുക്തമായി ആതിഥേയത്വം വഹിക്കുക. സ്റ്റേഡിയത്തില് 50 ശതമാനമെങ്കിലും കാണികളെ എത്തിക്കാന് ശ്രമിക്കുമെന്നാണ് എമിറേറ്റ്സ് ക്രിക്കറ്റ് ബോര്ഡ് അറിയിച്ചിരിക്കുന്നത്.
