മലയാളികള് എന്നും നെഞ്ചിലേറ്റിയ സിനിമകളില് ഒന്നായിരുന്നു ഭരതന് സംവിധാനം ചെയ്ത വൈശാലി എന്ന സിനിമ. അംഗ രാജ്യത്തെ കൊടിയ വരള്ച്ചമാറ്റി മഴപെയ്യിക്കുവാനായി വിഭാണ്ഡകന് എന്ന മഹര്ഷിയുടെ മകനായ ഋഷ്യശൃംഗനെ ആകര്ഷിച്ച് രാജ്യത്ത് എത്തിക്കാന് ദാസിയുടെ മകളും സുന്ദരിയുമായ വൈശാലി നിയോഗിക്കപ്പെടുന്നു. വൈശാലിയാല് ആകൃഷ്ടനായി ഋഷ്യശൃംഗന് അംഗരാജ്യത്തു വന്നു യാഗം നടത്തി മഴ പെയ്യിക്കുന്നു എന്നതാണ് സിനിമയുടെ പ്രമേയം. വൈശാലിയായി പ്രേക്ഷകര്ക്കു മുന്നിലെത്തിയ സുപര്ണ ആനന്ദ് എല്ലാവരുടെയും മനസ്സ് കീഴടക്കിയിരുന്നു.
ഞാന് ഗന്ധര്വന്, ഉത്തരം, നഗരങ്ങളില് ചെന്നു രാപ്പാര്ക്കാം, തുടങ്ങിയ സിനിമകളിലൂടെ നമുക്ക് മുന്നിലെത്തിയ സുപര്ണ ആനന്ദിനിന് വൈശാലി എന്ന സിനിമ ജീവിതത്തിലേക്കുളള ഒരു വഴിത്തിരിവ് കൂടിയായിരുന്നു. ചിത്രത്തിലെ ഋഷ്യശൃംഗനെയും വൈശാലിയെയും ഇന്നും സിനിമാ പ്രേമികള് മറക്കാനിടയില്ല. അത്രയും മനോഹരമായിരുന്നു സിനിമയിലെ ഗാനരംഗങ്ങളും അവരുടെ അഭിനയവും. കഥാപാത്രങ്ങളിലൂടെ ജീവിക്കുകയായിരുന്നു അവര് . സഞ്ജയ് മിത്രയാണ് ഋഷ്യശൃംഗനായി നമുക്ക് മുന്നില് എത്തിയത്. സിനിമയിലെ ഒരുമിച്ചുള്ള അഭിനയം പിന്നീട് അവരെ ഒരുമിച്ചുള്ള ജീവിതത്തിലേക്ക് വഴി തിരിച്ചു. ചിത്രത്തിനുശേഷം അധികം വൈകാതെ തന്നെ അവര് വിവാഹിതരായി. എന്നാല് 2007 ല് വിവാഹമോചിതരാവുകയും ചെയ്തു.
സിനിമയിൽ പ്രണയിച്ച പോലെ ആയിരുന്നില്ല തുടര്ന്നുള്ള ജീവിതം രണ്ടു പേര്ക്കും പൊരുത്തപ്പെട്ടുപോകാന് കഴിയാത്തതിനാലാണ് വിവാഹമോചിതരായത്. ബന്ധം വേര്പെടുത്തിയതിനുശേഷം രണ്ടുപേരും വീണ്ടും വിവാഹം കഴിച്ചിരുന്നു. രണ്ട് ആണ്കുട്ടികളാണ് സഞ്ജയ- സുപര്ണ ബന്ധത്തിലുള്ളത്. കുട്ടികള് രണ്ടുപേരും സുപര്ണയോടൊപ്പമാണ് താമസിക്കുന്നത്. പരസ്പരം വേര്പിരിഞ്ഞു എങ്കിലും ഇപ്പോഴും നല്ല സുഹൃത്തുക്കളായാണ് ഇരുവരും തുടരുന്നത്. വിളിക്കുകയും വിശേഷങ്ങള് അറിയുകയും ചെയ്യുന്നു. പ്രേക്ഷകര് ഇരുകൈയും നീട്ടി സ്വീകരിച്ച താരജോഡികളായിരുന്നു ഇവര്.
Comments