തിരുവനന്തപുരം: ഫോണ് വിളിക്കുന്ന സമയത്ത് ഏര്പ്പെടുത്തിയ കൊറോണ ബോധവത്കരണ സന്ദേശങ്ങള് നിര്ത്തി ബിഎസ്എന്എല്. ഈ ബോധവത്കരണ സന്ദേശങ്ങള് ദുരന്ത സാഹചര്യങ്ങളില് പ്രയാസമുണ്ടാക്കുന്നതായി വ്യാപക പരാതി ഉയര്ന്ന സാഹചര്യത്തിലാണ് പുതിയ തീരുമാനം.
ദുരന്ത് സാഹചര്യങ്ങളില് അത്യാവശ്യങ്ങള്ക്കായി വിളിക്കുമ്പോള് മിനിട്ടുകള് നീണ്ട സന്ദേശം വിലപ്പെട്ട സമയം നഷ്ടമാക്കുന്നുവെന്നായിരുന്നു പ്രധാന ആക്ഷേപം. ആംബുലന്സുകളെ വിളിക്കുമ്പോള് പോലും ഇതാണ് കേള്ക്കുക. വിലപ്പെട്ട ജീവനുകള് നഷ്ടമാകാന് വരെ ഇത് കാരണമായേക്കാമെന്ന് വ്യാപക പരാതികള് ഉയര്ന്നിരുന്നു.
കൊറോണ വൈറസ് വ്യാപനത്തിന്റെ പശ്ചാത്തലത്തില് കേന്ദ്ര നിര്ദ്ദേശ പ്രകാരമാണ് ഇത്തരത്തില് ബോധവത്കരണ സന്ദേശം ഏര്പ്പെടുത്തിയത്. പരാതി ഉയര്ന്ന സാഹചര്യത്തില് കേന്ദ്രത്തില് നിന്നും പ്രത്യേക അനുമതി വാങ്ങിയാണ് ഈ അറിയിപ്പ് നിര്ത്തിയത്. ഫോണ്വിളിക്കുമ്പോള് കേള്ക്കുന്ന ബോധവത്കരണ സന്ദേശം നിര്ത്തണമെന്നാവശ്യപ്പെട്ട് നേരത്തെ ഫേസ്ബുക്ക് അടക്കമുള്ള സാമൂഹ്യ മാദ്ധ്യമങ്ങളില് വലിയ പ്രചാരണം നടന്നിരുന്നു.
Comments