മിലാന്: യൂറോപ്പാ ലീഗില് കരുത്തന്മാര് സെമിയില്. ഇന്നലെ നടന്ന മത്സരത്തില് ഇംഗ്ലീഷ് പ്രീമിയര് ലീഗ് ടീമായി മാഞ്ചസ്റ്റര് യുണൈറ്റഡും സ്പാനിഷ് ലീഗിലെ ഇന്റര് മിലാനുമാണ് സെമിയില് കടന്നത്. മാഞ്ചസ്റ്റര് യുണൈറ്റഡ് കോപ്പന്ഹേഗനേയും ഇന്റര്മിലാന് ലെവര്കൂസനേയും തോല്പ്പിച്ചു.
ആദ്യമത്സരത്തില് ഇന്റര്മിലാന് 2-1നാണ് ലെവര്കൂസനെ തോല്പ്പിച്ചത്. ഇന്ററിനായി നിക്കോളോ ബാരേല്ലയാണ് ആദ്യഗോള് നേടിയത്. 15-ാം മിനിറ്റിലാണ് ഗോള് പിറന്നത്. ആറുമിനിറ്റിനകം റൊമേലൂല ലൂക്കാകു ലീഡ് 2-0ആക്കി ഉയര്ത്തി. ആദ്യപകുതിയുടെ 24-ാം മിനിറ്റില് കായ് ഹാവെര്ട്ട്സ് ലെവര്കൂസന് വേണ്ടി ആശ്വാസഗോള് നേടി.
മാഞ്ചസ്റ്റര് യുണൈറ്റഡ് എതിരില്ലാത്ത ഒരു ഗോളിനാണ് കോപ്പന്ഹോഗിനെ പരാജയപ്പെടുത്തിയത്. സമനിലയിലേയ്ക്ക് നീങ്ങുകയായിരുന്ന മത്സരത്തില് കളിയുടെ അവസാന നിമിഷത്തില് ലഭിച്ച പെനാല്റ്റി മുതലാക്കിയാണ് യുണൈറ്റഡ് സെമി ഉറപ്പാക്കിയത്. ബ്രൂണോ ഫെര്ണാണ്ടസാണ് 95-ാം മിനിറ്റില് ലഭിച്ച പെനാല്റ്റി ഗോളാക്കി ടീമിനെ യൂറോപ്പാ ലീഗിന്റെ സെമിയിലേയ്ക്ക് കടത്തിയത്.
ഇന്നു നടക്കുന്ന അവശേഷിക്കുന്ന രണ്ടു ക്വാര്ട്ടറുകളില് ഷാക്തര് ഡോണ്സ്റ്റീക് ബേസലിനോടും വൂള്വ്സ് സെവിയയോടും ഏറ്റുമുട്ടും. 17,18 തീയതികളിലാണ് യൂറോപ്പാ ലീഗ് സെമിഫൈനലുകള് നടക്കുക. ഫൈനല് മത്സരം 22-ാം തീയതി ശനിയാഴ്ചയാണ്.
