ദുബായ്: അന്താരാഷ്ട്ര ക്രിക്കറ്റ് കൗണ്സിലിന്റെ മേധാവി ആരാകണമെന്നതിനെ ചൊല്ലി സര്വ്വത്ര ആശയക്കുഴപ്പം. പാകിസ്താനാണ് ഇന്ത്യയുടെ പ്രതിനിധി വരാതിരിക്കാന് ശ്രമിക്കുന്നതെന്നാണ് അഭ്യൂഹം.
സ്ഥാനമൊഴിഞ്ഞ മുന് ബി.സി.സി.ഐ അധ്യക്ഷന് ശശാങ്ക് മനോഹറിന്റെ സ്ഥാനത്തേയ്ക്ക ആളെ എത്തിക്കുന്ന കാര്യത്തിലാണ് തര്ക്കമുള്ളത്. കഴിഞ്ഞ ദിവസം ചേര്ന്ന ഓണ്ലൈന് യോഗം തീരുമാനമാകാതെ പിരിഞ്ഞു. ചെയര്മാനെ തിരഞ്ഞെടുക്കാന് മൂന്നില് രണ്ട് ഭൂരിപക്ഷം വേണമെന്ന് പാകിസ്താന് ശഠിക്കുകയാണ്. എന്നാല് പ്രബലരായ ഇംഗ്ലണ്ടും ഓസ്ട്രേലിയയും ദക്ഷിണാഫ്രിക്കയും സാധാരണ ഭൂരിപക്ഷം മതിയെന്നാണ് ആവശ്യപ്പെട്ടത്.
ഇന്ത്യയുടെ ഭാഗത്തുനിന്ന് സൗരവ് ഗാംഗുലി അന്താരാഷ്ട്ര ക്രിക്കറ്റ് കൗണ്സിലിലേയ്ക്ക് വരണമെന്ന് ഇന്ത്യന് മുന് താരങ്ങള്ക്കൊപ്പം വിദേശതാരങ്ങളും അഭിപ്രായം പ്രകടിപ്പിച്ചിരുന്നു. ആകെ 17 പ്രതിനിധികളാണ് വോട്ട് രേഖപ്പെടുത്തേണ്ടത്. ഗാംഗുലിയ്ക്കൊപ്പം ഇംഗ്ലണ്ടിന്രെ ഗ്രേവ്സും വെസ്റ്റിന്ഡീസിന്റെ കാമറൂണും ചെയര്മാന് സ്ഥാനത്തിനായി മത്സരരംഗത്തുണ്ട്.
Comments