ഒരു കാലത്ത് സെൽഫോൺ എന്നാൽ നോക്കിയ ആയിരുന്ന കാലം . ഇന്ന് ആ ഇടത്ത് പല കമ്പനികൾ , പല മോഡലുകൾ . എങ്കിലും നോക്കിയയോടുള്ള ഇഷ്ടം ഇന്നും ബാക്കിയുണ്ട്.
നോക്കിയ തങ്ങളുടെ ഇന്ത്യയിലെ ഔദ്യോഗിക വെബ്സൈറ്റിൽ നോക്കിയ 5 .3 ലിസ്റ്റ് ചെയ്തിരിക്കുന്നത് , താമസിയാതെ ഇന്ത്യയിൽ ഇതിന്റെ ലോഞ്ച് ഉണ്ടാവും എന്ന സൂചനയാണ് നൽകുന്നത് . എച്ച് എം ഡി ഗ്ലോബൽ ഔദ്യോഗിക സ്ഥിരീകരണം ഇതിനെ കുറിച്ച് ഇതുവരെ പുറപ്പെടുവിച്ചിട്ടില്ല . മാർച്ചിലാണ് നോക്കിയ 5 .3 ആഗോളതലത്തിൽ അവതരിപ്പിച്ചത് .ക്വാൽകോം സ്നാപ്ഡ്രാഗൺ 665 SoC, 13 മെഗാപിക്സൽ പ്രധാന സെൻസറുള്ള ക്വാഡ് റിയർ ക്യാമറ , 4,000 എംഎഎച്ച് ബാറ്ററി എന്നിവയാണ് പ്രധാന സവിശേഷതകൾ .
നോക്കിയ 5.3 ക്ക് ആഗോളതലത്തിൽ ഏകദേശം 15,200 രൂപയാണ് വില . ഇന്ത്യൻ വിപണിയിലും ഇതേ വില തന്നെയായിരിക്കും എന്നാണ് പ്രതീക്ഷിക്കുന്നത് .4 ജിബി, 6 ജിബി റാം ഓപ്ഷനുകളും 64 ജിബി ഇന്റേണൽ സ്റ്റോറേജും ആയിരിക്കും ഉണ്ടാവുക . ഗ്രേ , സിയാൻ, സാൻഡ് എന്നീ കളർ ഓപ്ഷനുകളിലാണ് നോക്കിയ 5 .3 എത്തുന്നത് .
ആൻഡ്രോയിഡ് 10 ഒ എസ് ഉള്ള ഡ്യുവൽ സിം (നാനോ)നോക്കിയ 5 .3 വരുന്നത് 6.55 ഇഞ്ച് എച്ച്ഡി ഡിസ്പ്ലേയ്യായിട്ടാണ് . 13 മെഗാപിക്സൽ പ്രൈമറി സെൻസർ വരുന്ന ക്വാഡ് റിയർ ക്യാമറ, 5 മെഗാപിക്സൽ സെക്കൻഡറി സെൻസർ, 2 മെഗാപിക്സൽ ഡെപ്ത് സെൻസർ, 2 മെഗാപിക്സൽ മാക്രോ ഷൂട്ടർ എന്നിവ കൂടാതെ നോക്കിയ 5.3 ക്ക് 8 മെഗാപിക്സൽ സെൽഫി ക്യാമറയുമുണ്ട്.
4,000 എംഎഎച്ച് ബാറ്ററി, 4 ജി എൽടിഇ, വൈ-ഫൈ ,ബ്ലൂടൂത്ത് 4.2, ജിപിഎസ്,എഫ്എം റേഡിയോ, 3.5 എംഎം ഹെഡ്ഫോൺ എന്നിവയാണ് നോക്കിയ 5 .3 യുടെ കൂടെ വരുന്ന മറ്റു സവിശേഷതകൾ . 180 ഗ്രാം ഭാരം വരുന്ന ഫോണിന്റെ പിന്നിൽ ഫിംഗർ പ്രിന്റ് സെൻസറും , സൈഡിൽ ഗൂഗിൾ അസിസ്റ്റന്റ് ബട്ടണും ഉണ്ട് . 64 ജി ബി സ്റ്റോറേജ് ഓപ്ഷൻ ഉള്ള ഫോണിന് മൈക്രോ എസ് ഡി കാർഡുപയോഗിച്ചു 512 ജി ബി വരെ സ്റ്റോറേജ് ആക്കാവുന്നതാണ് .
നോക്കിയ 5 .3 യുടെ വില വിവരങ്ങളും എന്ന് മുതൽ ഇന്ത്യയിൽ ലഭ്യമാകും എന്നുള്ളതും കമ്പനി ഉടൻ തന്നെ പ്രഖ്യാപിക്കും എന്നാണ് പ്രതീക്ഷിക്കുന്നത് .
Comments