ന്യൂഡൽഹി : വികസനത്തിന്റെ പാതയിൽ ജമ്മു കശ്മീർ . പ്രധാൻ മന്ത്രി ഗ്രാമ സഡക് യോജന പദ്ധതിയിൽ ഉൾപ്പെടുത്തി കശ്മീരിൽ 1858 റോഡുകളുടെയും , 84 പാലങ്ങളുടെയും നിർമ്മാണം പൂർത്തീകരിച്ചു . 11,517 കിലോമീറ്റർ നീളത്തിലുള്ള റോഡിന്റെ നിർമ്മാണമാണ് പൂർത്തിയാക്കിയത് . 243 പാലങ്ങൾക്കും , 3,261 റോഡുകൾക്കുമാണ് സർക്കാർ അനുമതി നൽകിയിരുന്നത് .
ലഡാക്കിൽ 1207 കിലോമീറ്റർ നീളമുള്ള 142 റോഡുകൾക്കും , 3 പാലങ്ങൾക്കും അനുമതി നൽകി . അതിൽ 699 കിലോമീറ്റർ നീളമുള്ള 96 റോഡുകളുടെയും , 2 പാലങ്ങളുടെയും നിർമ്മാണം കഴിഞ്ഞ മാസം പൂർത്തിയായി. റോഡ് മാർഗം ബന്ധമില്ലാത്ത 2,149 സ്ഥലങ്ങളെ ബന്ധിപ്പിക്കുന്നതിനുള്ള നടപടികളും ആരംഭിച്ചു. 2020 ജൂലൈ വരെ 64 സ്ഥലങ്ങളെയാണ് ഇതുവരെ റോഡ് മാർഗം ബന്ധിപ്പിച്ചത് .
ഗ്രാമീണ റോഡുകളുടെ നിര്‍മ്മാണത്തിനായി ഇന്ത്യാ ഗവണ്‍മെന്‍റ് ഗ്രാമ വികസന മന്ത്രാലയം മുഖേന നടപ്പിലാക്കുന്ന സുപ്രധാന പദ്ധതിയാണ് പ്രധാന മന്ത്രി ഗ്രാമ സഡക് യോജന (പി.എം.ജി.എസ്.വൈ) നാഷണല്‍ റൂറല്‍ റോഡ് ഡവലപ്പ്മെന്‍റ് ഏജന്‍സിയെ ഈ പദ്ധതിയുടെ നോഡല്‍ ഏജന്‍സിയി നിയമിച്ചിട്ടുണ്ട്. റോഡ് ബന്ധമില്ലാത്ത ആവാസകേന്ദ്രങ്ങളെ എല്ലാ കാലാവസ്ഥയിലും ഉപയോഗപ്രദമായ റോഡ് മുഖേന ബന്ധിപ്പിക്കുകയാണ് ഈ പദ്ധതിയുടെ ലക്ഷ്യം
Comments