പ്രായവ്യത്യാസമില്ലാതെ എല്ലാവര്ക്കും സംഭവിക്കാവുന്ന ഒന്നാണ് ഹൃദയാഘാതം. ഹൃദയത്തിലേക്കുളള രക്തത്തിന്റെ വരവിനു തടസം നേരിടുമ്പോഴാണ് ഹൃദയാഘാതം സംഭവിക്കുന്നത്. ശരീരത്തില് അടിഞ്ഞുകൂടിയിരിക്കുന്ന കൊഴുപ്പ് അഥവാ കൊളസ്ട്രോളാണ് ഹൃദയാഘാതത്തിനുളള കാരണം എന്നാണ് പൊതുവെയുള്ള ധാരണ. എന്നാല് ഇത് തെറ്റാണ് ഹൃദയാഘാതം സംഭവിക്കാന് വേറേയും കാരണങ്ങളുണ്ട്.
ഹൃദയാഘാതം ആര്ക്കും എപ്പോള് വേണമെങ്കിലും സംഭവിക്കാം. എന്നാല് ഇവിടെ ശ്രദ്ധിക്കേണ്ട ചില കാര്യങ്ങളുണ്ട്.
ഹൃദയാഘാതത്തിന്റെ സാധ്യതകള് മുന്കൂട്ടി കാണാന് നമുക്ക് സാധിക്കും. അത് മനസ്സിലാക്കി വേണ്ട വിധത്തിലുള്ള ചികിത്സ നടത്തിയാല് പെട്ടെന്നുള്ള ഹൃദയാഘാതത്തെ അകറ്റാന് സാധിക്കും. ചെറിയ നെഞ്ച് വേദന അനുഭവപ്പെടുമ്പോള് നമ്മള് ആദ്യം പറയുന്നത് ഗ്യാസ്ട്രബിള് ആണെന്നാണ്. എന്നാല് അത് ഗ്യാസ്ട്രബിള് തന്നെയാണോ എന്ന് ഉറപ്പു വരുത്തേണ്ടത് അത്യാവശ്യമാണ്. ഭക്ഷണം കഴിച്ച് അഞ്ചു മിനിറ്റിനുള്ളില് നമുക്ക് അസ്വസ്ഥതകള് അനുഭവപ്പെടുകയാണെങ്കില് അത് ഗ്യാസ്ട്രബിള് ആണെന്ന് പറയാം.
അരമണിക്കൂറിന് ശേഷമാണ് അസ്വസ്ഥതകള് അനുഭവപ്പെടുന്നതെങ്കില് അതൊരിക്കലും ഗ്യാസ്ട്രബിള് ആണെന്ന് തെറ്റിദ്ധരിക്കരുത്. ഉടനെ തന്നെ ഒരു ഹൃദ്രോഗ വിദഗ്ധനെ കണ്ട് വിശദമായ പരിശോധന നടത്തേണ്ടത് അത്യാവശ്യമാണ്. കൂടാതെ നടക്കുമ്പോഴുള്ള നെഞ്ച് വേദന, അമിതമായ കിതപ്പ് എന്നിവയെല്ലാം ഹൃദ്രോഗത്തിന്റെ ലക്ഷണങ്ങളാണ്. വേഗത്തില് നടക്കുമ്പോഴുള്ള ശ്വാസംമുട്ടല് തുടര്ച്ചയായുള്ള ചുമ എന്നിവയെല്ലാം ഇതിന്റെ മുന്നോടിയായ ലക്ഷണങ്ങളാണ്. അമിതമായ കൊഴുപ്പ് മൂലം മാത്രമല്ല നമുക്ക് ഹൃദയാഘാതം സംഭവിക്കുന്നത് പ്രമേഹം, രക്തസമ്മര്ദം തുടങ്ങിയ അസുഖങ്ങള് ഉള്ളവര്ക്കും ഹൃദയാഘാതം സംഭവിക്കാം.
പുകവലി, അമിതമായ ലഹരിപദാര്ഥങ്ങളുടെ ഉപയോഗം എന്നിവയും നമ്മളെ ഹൃദ്രോഗത്തിലേക്കു നയിക്കുന്നു. യുവാക്കളില് ഹൃദയാഘാതം സംഭവിക്കുന്നതിനു പ്രധാന കാരണം ഇതാണ്. ചെറിയ നെഞ്ചുവേദനയോ ബുദ്ധിമുട്ടുകളോ അനുഭവപ്പെടമ്പോള് തന്നെ ഡോക്ടറെ കണ്ട് പരിശോധനയ്ക്ക് വിധേയമാകേണ്ടത് അത്യാവശ്യമാണ്. തുടക്കത്തില് തന്നെ കണ്ടെത്തിയാല് മരുന്നിലൂടെ അല്ലെങ്കില് ചെറിയ ശസ്ത്രക്രിയയിലൂടെ ഹൃദയാഘാതത്തെ തടയാം. അല്ലാത്തപക്ഷം ഇത് പെട്ടെന്നുള്ള മരണത്തിലേക്ക് കൊണ്ടെത്തിക്കുന്നു
Comments