ജനീവ: ആഗോള തലത്തിലെ കൊറോണ വ്യാപനം രണ്ടേകാല്ക്കോടി കവിഞ്ഞു. ഏറ്റവും പുതിയ റിപ്പോര്ട്ടനുസരിച്ച് 2,25,93,620 പേര്ക്കാണ് ഇതുവരെ കൊറോണ ബാധിച്ചിരിക്കുന്നത്. എന്നാല് രോഗമുക്തിനേടുന്നവരുടെ എണ്ണവും അതുപോലെ മെച്ചപ്പെടുന്നതായി ലോകാരോഗ്യ സംഘടന റിപ്പോര്ട്ടില് സൂചിപ്പിക്കുന്നു. നിലവില് 1,53,15,129 പേരാണ് രോഗമുക്തി നേടിയത്. മരണസംഖ്യ 8 ലക്ഷത്തിലേയ്ക്ക് അടുക്കുകയാണ്. ഇന്നലെ വരെ 7,91,200 പേരാണ് മരണത്തിന് കീഴടങ്ങിയത്. ഇറ്റലിയില് രോഗബാധ കുറയുന്നതായാണ് സൂചന. ഇതുവരെ 2,55,000 പേരിലാണ് രോഗവ്യാപനം ഉണ്ടായത്. രണ്ടാഴ്ചത്തേതിൽ ഏറ്റവും കുറവ് രോഗവ്യാപനമാണ് ഇറ്റലിയില് രേഖപ്പെടുത്തിയത്. പതിനായിരത്തില് താഴെ മാത്രമാണ് രോഗവ്യാപനം. മരണം 35412ലെത്തി നിൽക്കുകയാണ്. അതേസമയം ബ്രിട്ടണിൽ 41000 മുകളിലാണ് മരണം രേഖപ്പെടുത്തിയത്.
ആഗോളതലത്തില് കൊറോണ വ്യാപനത്തിന് കാരണം യുവാക്കളുടെ അശ്രദ്ധയാണെന്ന് ലോകാരോഗ്യ സംഘടന കഴിഞ്ഞ ദിവസം പറഞ്ഞിരുന്നു. നിയന്ത്രണമില്ലാതെ യുവാക്കള് യാത്രചെയ്യുന്നതും ഇടപഴകുന്നതും വൃദ്ധരായവരെയാണ് ബാധിക്കുന്നതെന്നും ലോകാരോഗ്യ സംഘടന അറിയിച്ചു.
രോഗബാധയില് പതിവുപോലെ അമേരിക്കയാണ് മുന്നില് 57,01,162 പേര്ക്കാണ് ആകെ രോഗ ബാധ. മരണസംഖ്യ 1,76,342 ആണ്. ബ്രസീലില് രോഗബാധിതര് 34,60,413 എത്തി. മരണസംഖ്യ 1,11,189 ആയിരിക്കുകയാണ്. റഷ്യയില് മരണ നിരക്ക് 16,099 ആയി.മെക്സിക്കോയില് മരണനിരക്ക് 58,481 ആയത് ആശങ്കയുണര്ത്തുകയാണ്.
Comments