ധാക്ക: ഇന്ത്യ-ബംഗ്ലാദേശ് ബന്ധം കൂടുതൽ ശക്തമാകുന്നു. ബംഗ്ലാദേശിൽ ഇന്ത്യ നടത്തുന്ന വികസന പ്രവർത്തനങ്ങൾ കൂടുതൽ വിപുലീകരിക്കാൻ തീരുമാനം. കേന്ദ്ര വിദേശകാര്യ സെക്രട്ടറി ഹര്ഷവര്ധന് ഷ്രിംഗ്ലയുടെ സന്ദർശനത്തിനു ശേഷമാണ് തീരുമാനം.
ബംഗ്ലാദേശിലെ എല്ലാ മേഖലയിലും സഹായം എത്തിക്കുന്നതില് ഇന്ത്യ പ്രതിജ്ഞാ ബദ്ധമാണെന്ന് പ്രധാനമന്ത്രി നരേന്ദ്രമോദി കഴിഞ്ഞ ജനുവരിയില് വ്യക്തമാക്കിയിരുന്നു. ഉന്നത തല സമിതിയാണ് വികസന നയങ്ങള് വിലയിരുത്തുക. തീരുമാനങ്ങള് വേഗത്തിലെടുക്കാന് ഇതുമൂലം സാധിക്കുമെന്നാണ് വിലയിരുത്തല്. ഇന്ത്യയുടെ സ്ഥാനപതിയും ബംഗ്ലാദേശ് വിദേശകാര്യ സെക്രട്ടറിയും തുടര്പ്രവര്ത്തനം വിലയിരുത്തുമെന്നും വിദേശകാര്യമന്ത്രാലയം അറിയിച്ചു.
ബംഗ്ലാദേശിലേയ്ക്ക് എണ്ണ പൈപ്പുലൈനും, ചരക്ക് ഗതാഗതവും ഇന്ത്യയാണ് പൂര്്ത്തീകരിച്ചത്. പുതുതായി ഹൈഗ്രിഡാ വൈദ്യുതി വിതരണ സംവിധാനത്തിന്റെ സാദ്ധ്യത ചര്ച്ച നടന്നതായി വിദേശകാര്യമന്ത്രാലയം പറഞ്ഞു. ഇന്ത്യ നേപ്പാളിന് നല്കിയ രീതിയിലാണ് വൈദ്യുതി വിതരണം നടത്താനുദ്ദേശിക്കുന്നത്.നിലവിലുള്ള രാംപാല് മൈത്രീ വൈദ്യുതി പ്രൊജക്ട് കൂടുതല് ശക്തമാക്കുമെന്നും ധാരണയായി.
Comments