കേരളത്തില് ചിലന്തിയെ ആരാധിക്കുന്ന ഒരു ക്ഷേത്രമുണ്ട്. പത്തനംതിട്ട ജില്ലയിലെ പള്ളിയറ ദേവീക്ഷേത്രം. ഭാരതത്തിലെ തന്നെ ചിലന്തികളെ ആരാധിക്കുന്ന സമ്പ്രദായമുള്ള അപൂര്വ്വ ക്ഷേത്രങ്ങളില് ഒന്നാണിത്. ചിലന്തി വിഷബാധയേറ്റാല് ഈ ക്ഷേത്രത്തില് വന്ന് പൂജ ചെയ്ത് ആ പ്രസാദം കഴിക്കുന്നതോടെ എത്ര കടുത്ത വിഷബാധയും ഇല്ലാതാകും എന്നാണ് ഇവിടുത്തെ വിശ്വാസം.പള്ളിയറ ദേവീക്ഷേത്രത്തിന് ചിലന്തിയമ്പലം എന്ന് പേര് വന്നതിനു പിന്നില് ഒരു കഥയുണ്ട്. ശക്തിഭദ്ര കുടുംബത്തിലെ ഒരു അന്തര്ജനത്തിന്റെ നിര്വാണവുമായി ബന്ധപ്പെട്ട കഥ.
പള്ളിയറ ദേവീക്ഷേത്രം. ഏകദേശം തൊള്ളായിരത്തി അന്പ്പത്തി ആറാം (956) ആണ്ടോടുകൂടി ചെന്നീര്ക്കര സ്വരൂപത്തില് ആണ് പ്രജകള് ഇല്ലാതാവുകയും ശക്തിഭദ്രര് സാവിത്രി, ശക്തിഭദ്രര് ശ്രീദേവി എന്നീ രണ്ട് അന്തര്ജനങ്ങള് മാത്രം അവശേഷിക്കുകയും ഇവരെ വാക്കവഞ്ഞിപ്പുഴ മഠത്തിലെ കാരണവനായ ഇരവിതായരു എന്ന ബ്രാഹ്മണന് ദത്തെടുത്തു. പിന്നീട് ഇവര് ചിലന്തി അമ്പലത്തിനു സമീപത്തുളള കോയിക്കല് കൊട്ടാരത്തില് താമസമാക്കി. കാലാന്തരത്തില് അതില് ഒരു അന്തര്ജനം ഏകാന്തവാസത്തില് ഏര്പെടുകയും ആത്മീയതയില് ലയിച്ച് അറയ്ക്കുള്ളില് ആദിപരാശക്തിയായ ദുര്ഗ്ഗാഭഗവതിയെ തപസ് അനുഷ്ഠിച്ചു പോരുകയും ചെയ്തു.
തുടര്ന്ന് ഇവരില് ദേവീ ചൈതന്യമുള്ള ചിലന്തികള് വലകെട്ടുകയും ചിലന്തികള് ഇവരുടെ ആജഞാനുവര്ത്തികള് ആകുകയും ചെയ്തു വെന്നും, ഈ വലക്കുള്ളില് ഇരുന്ന് അന്തര്ജനം സമാധിയായി തീര്ന്നു എന്നുമാണ് വിശ്വാസം .
ഈ ഭക്തയുടെ ആത്മചൈതന്യം തൊട്ടടുത്ത ദുര്ഗ്ഗാക്ഷേത്രത്തില് ലയിച്ചു ചേര്ന്നു ജഗദംബയില് മോക്ഷം പ്രാപിച്ചു എന്നാണ് പറയപ്പെടുന്നത്. അന്നു മുതല് ക്ഷേത്രത്തിന് ‘ചിലന്തിയമ്പലം’ എന്ന പേരു വന്നു എന്നതുമാണ് കഥ. ചരിത്രത്തില് വളരെ സ്ഥാനം പിടിച്ച ഒരു ക്ഷേത്രമാണ് പള്ളിയറ ദേവീക്ഷേത്രം.
Comments