ന്യൂഡല്ഹി: ടെലകോം കമ്പനികള്ക്ക് ആശ്വാസമായി സുപ്രിംകോടതി വിധി. നിലവിലെ കേന്ദ്രസര്ക്കാറിലേയ്ക്ക് അടയ്ക്കേണ്ട ലൈസന്സ് ഫീ കുടിശ്ശിക തിരിച്ചടയ്ക്കാന് സുപ്രിം കോടതി സമയം നീട്ടിനല്കി. അഡ്ജസ്റ്റഡ് ഗ്രോസ് റെവന്യൂ( ഏ.ജി.ആര്) വിന്റെ കുടിശ്ശിക നല്കാനുള്ള സമയമാണ് 10 വര്ഷത്തേയ്ക്ക് നീട്ടി നല്കിയിരിക്കുന്നത്.
ആകെ വരുമാനത്തിന്റെ ഒരു ഭാഗമാണ് കേന്ദ്രസര്ക്കാറിന് നല്കേണ്ടത്. എന്നാല് മൊത്തം വരുമാനത്തിന്റെ ഭാഗം നല്കാന് പാകത്തിനുള്ള സാമ്പത്തിക സ്ഥിതിയില്ലെന്നാണ് ടെലകോം കമ്പനികള് അറിയിച്ചത്. എന്നാല് പിരിഞ്ഞു കിട്ടുന്ന തുകയില് നിന്നും നിശ്ചിത ശതമാനം വീതം നല്കാന് അനുവദിക്കണമെന്ന വ്യവസ്ഥയാണ് കോടതിയ്ക്ക് മുമ്പാകെ കമ്പനികള് വച്ചത്. ഇതു കൂടാതെ നിലവിലെ കുടിശ്ശിക അടച്ചുതീര്ക്കാന് 20 വര്ഷം സമയം അനുവദിക്കണമെന്ന ആവശ്യവും കോടതി മുമ്പാകെ വച്ചിരുന്നു.
Comments