ദുബായ്: ഐ.പി.എല്ലില്‍ കൊറോണ ഭീതിയകന്ന് ചെന്നൈ സൂപ്പര്‍ കിംഗ്‌സ് താരങ്ങള്‍. കഴിഞ്ഞ ഒരാഴ്ചയ്‌ക്ക് മുമ്പ് കൊറോണ സ്ഥിരീകരിച്ച താരങ്ങളുടെ പരിശോധനാ ഫലമാണ് പുറത്തുവന്നത്. പരിശീലന ക്യാമ്പില്‍ പങ്കെടുത്തവരില്‍ രണ്ടു പേര്‍ക്ക് കൊറോണ സ്ഥിരീക രിച്ചതിനെ തുടര്‍ന്നാണ് ഐസൊലേഷനിലേയ്‌ക്ക് മാറ്റിയത്. ദീപക് ചാഹറിനും ഋതുരാജ് ഗെയിക്വാദിനുമാണ് കൊറോണ പോസിറ്റീവായത്. ഇതിനിടെ സുരേഷ് റയ്‌നയുടെ മടങ്ങിപ്പോക്കും ചെന്നൈയ്‌ക്ക് വലിയ ക്ഷീണമായിരുന്നു.
മൂന്നാം തീയതി അടുത്ത പരിശോധനകൂടി നെഗറ്റീവായാല്‍ കൂടുതല്‍ നിയന്ത്രണങ്ങളില്ലാതെ ടീമംഗങ്ങള്‍ക്ക് പരിശീലനം നടത്താം. സെപ്തംബര്‍ അഞ്ചു മുതലാണ് ധോണിയും കൂട്ടരും ദുബായിയില്‍ പരിശീലനം ആരംഭിക്കാന്‍ തീരുമാനിച്ചിരിക്കുന്നത്.
