പാലക്കാട്: ഹിന്ദുഐക്യവേദി മുൻ പാലക്കാട് ജില്ലാ പ്രസിഡന്റ് സി.വി. ചന്ദ്രശേഖരൻ (മണി) അന്തരിച്ചു. ഇന്നലെ ഉച്ചയോടെ ഹൃദയാഘാതത്തെ തുടർന്നായിരുന്നു അന്ത്യം. സംസ്കാരം ഇന്ന് ഉച്ചയ്‌ക്ക് രണ്ടിന് ഐവർമഠം ശ്മശാനത്തിൽ നടക്കും.
ആർഎസ്എസ് നഗർ സംഘചാലക്, രാജപട്ടണം കുന്നത്തൂർമേട് ശാഖ പ്രൗഢ പ്രമുഖ്, കുന്നത്തൂർമേട് ബാലമുരളി ട്രസ്റ്റ് പ്രസിഡന്റ്, കുന്നത്തൂർമേട് എൻഎസ്എസ് കരയോഗം സെക്രട്ടറി തുടങ്ങിയ ചുമതലകൾ വഹിച്ചിട്ടുണ്ട്.
കഴിഞ്ഞ തദ്ദേശ തെരഞ്ഞെടുപ്പിൽ പാലക്കാട് നഗരസഭയിലെ കുന്നത്തൂർമേട് നോർത്ത് ഡിവിഷനിൽ ബിജെപി സ്ഥാനാർഥിയായും മത്സരിച്ചിരുന്നു. വെറും എട്ട് വോട്ടുകൾക്കാണ് അന്ന് പരാജയപ്പെട്ടത്. സാമൂഹിക-സാംസ്കാരിക രംഗത്തും സജീവമായിരുന്ന ചന്ദ്രശേഖരന്റെ നിര്യാണത്തിൽ വിവിധ മേഖലകളിലുള്ളവർ അനുശോചിച്ചു.
