തിരുവോണവും ജന്മദിനവും ഒരുമിച്ച് ആഘോഷിച്ച താരമാണ് മലയാളികളുടെ പ്രിയങ്കരൻ ജയസൂര്യ. ആ ദിവസം ജയസൂര്യ സ്വന്തമാക്കിയത് 67 ലക്ഷം രൂപയോളം വിലവരുന്ന മിനി ക്ലബ്മാനാണ് . ജര്‍മന്‍ ആഡംബര വാഹന നിര്‍മാതാക്കളായ ബിഎംഡബ്ല്യുവിന്റെ കീഴിലുള്ള ഐക്കണിക്ക് ബ്രിട്ടീഷ് വാഹന ബ്രാന്‍ഡായ മിനിയുടെ ചെറുകാറായ ക്ലബ്മാന്‍ സ്വന്തമാക്കുന്ന ഇന്ത്യയിലെ മൂന്നാമത്തെ വ്യക്തിയും കേരളത്തിലെ ആദ്യ വ്യക്തിയുമാണ് ജയസൂര്യ. കുടുംബത്തോടൊപ്പമാണ് ജയസൂര്യ വാഹനം സ്വന്തമാക്കാനായി ഷോറൂമില്‍ എത്തിയത്. ഇന്ത്യയില്‍ സമ്മര്‍ റെഡ് എന്ന ഒരൊറ്റ നിറത്തില്‍ മാത്രം പുറത്തിറങ്ങിയ ഈ വാഹനം ആരെയും ആകര്‍ഷിക്കുന്ന തരത്തിലുള്ള ഒന്നാണ്.
വൃത്താകൃതിയിലുള്ള റീഡിസൈന്‍ ചെയ്ത എല്‍ഇഡി ഹെഡ്‌ലാംപ് ഇന്ത്യന്‍ സമ്മര്‍ റെഡ് എഡിഷനില്‍ ഇടം പിടിച്ചു. പിയാനോ ബ്ലാക്ക് നിറത്തിലുള്ള എക്സ്റ്റീരിയറില്‍ ഡീറ്റൈലിംഗ് ഹെഡ്‌ലാംപിന് ചുറ്റും, ഫോഗ് ലൈറ്റിന് ചുറ്റും, മിറര്‍ കാപ്പില്‍, ടെയില്‍ ലാമ്പിന് ചുറ്റും, റേഡിയേറ്റര്‍ ഗ്രില്ലിന് ഔട്ട് ലൈനിങ് ആയും ചേര്‍ത്തിട്ടുണ്ട്. പരിഷ്‌കരിച്ച ഗ്രില്ലിലെ ഇന്‍സേര്‍ട്ടുകളും ക്ലബ്മാന്‍ ഇന്ത്യന്‍ സമ്മര്‍ റെഡ് എഡിഷനെ വ്യത്യസ്തമാക്കുന്നു. മിനിയുടെ ബ്രിട്ടീഷ് പൈതൃകത്തിനുള്ള ആദരസൂചകമായി എല്‍ഇഡി ടെയില്‍ ലാമ്പുകളുടെ ഇന്‍സേര്‍ട്ട്‌സിന് യൂണിയന്‍ ജാക്ക് ഡിസൈന്‍ ആണ്. കാര്‍ബണ്‍ ബ്ലാക്ക് ലെതറേറ്റ് ഫിനിഷുള്ളതും, മെമ്മറി ഫങ്ക്ഷന്‍ ഉള്ളതുമായ ഇലക്ട്രിക്ക് സ്‌പോര്‍ട്‌സ് സീറ്റുകളാണ് ഇന്റീരിയറിനെ വേറിട്ടതാക്കും.
ചെക്വര്‍ഡ് ഡിസൈനിലിലുള്ള ഡാഷ്ബോര്‍ഡ് ഗാര്‍ണിഷ്, 6.5-ഇഞ്ച് കളര്‍ സ്‌ക്രീന്‍, മള്‍ട്ടി-ഫങ്ക്ഷന്‍ സ്പോര്ട്ട് ലെതര്‍ സ്റ്റിയറിംഗ് വീല്‍, പനോരമ ഗ്ലാസ് റൂഫ് എന്നിവയും ക്ലബ്മാന്‍ ഇന്ത്യന്‍ സമ്മര്‍ റെഡ് എഡിഷനിലുണ്ട്. എല്‍ഇഡി ഇന്റീരിയര്‍ ആമ്പിയന്റ് ലൈറ്റിംഗ്, റിയര്‍വ്യൂ മിററുകള്‍ക്ക് താഴെയായി മിനി പ്രോജെക്ഷന്‍ ലോഗോ എന്നിവ മിനി എക്സൈറ്റ്‌മെന്റ് പാക്ക് കൂട്ടിച്ചേര്‍ക്കുന്നു. പനോരമിക് സണ്‍റൂഫിനു പുറമേ ഹാന്‍ഡ്സ് ഫ്രീ ടെയ്ല്‍ഗേറ്റ്, പിറകില്‍ കാമറ, മുന്നില്‍ മെമ്മറി ഫംഗ്ഷന്‍ സഹിതം ക്രമീകരിക്കാവുന്ന (പവേര്‍ഡ്) സ്പോര്ട്ട് സീറ്റുകള്‍, ക്രൂസ് കണ്‍ട്രോള്‍ എന്നിവ അധിക ഫീച്ചറുകളാണ്. പേര് സൂചിപ്പിക്കുന്നതുപോലെ, മെറ്റാലിക് റെഡ് നിറമാണ് മിനി ക്ലബ്മാന്‍ ഇന്ത്യന്‍ സമ്മര്‍ റെഡ് എഡിഷനില്‍ നല്‍കിയിരിക്കുന്നത്.
