ഗുരുവും ശിഷ്യരും തമ്മിൽ അഭേദ്യമായ ബന്ധം പുലർത്തുന്ന മഹത്തായ പാരമ്പര്യം ഉള്ള നാടാണ് നമ്മുടെ ഭാരതം . അതിനാൽ തന്നെ പ്രാചീന ഭാരതത്തിൽ ഉണ്ടായിരുന്നു മഹാന്മാരായ ചില ഗുരുക്കന്മാരെ സ്മരിക്കേണ്ടത് അനിവാര്യമായ കാര്യമാണ് .
വസിഷ്ട മഹർഷി : ഇതിഹാസ കാവ്യമായ രാമായണത്തിലെ രാമൻ , ഭരതൻ , ലക്ഷ്മണൻ , ശത്രുഘ്‌നൻ എന്നിവർ തങ്ങളുടെ ഗുരുകുല വിദ്യാഭ്യാസം നടത്തിയത് വസിഷ്ട മഹർഷിയുടെ ഗുരുകുലത്തിൽ വെച്ചായിരുന്നു . സപ്തർഷികളിൽ ഒരാളായിരുന്ന വസിഷ്ട മഹർഷി സൂര്യവംശ രാജപരമ്പരയുടെ കുലഗുരുവും , യോഗ വസിഷ്ട ,വസിഷ്ട സംഹിത എന്നിവയുടെയും അഗ്നി വിഷ്ണു പുരാണങ്ങളിലെ ചില ഏടുകളുടെയും രചയിതാവ് കൂടിയാണ് .
വിശ്വാമിത്ര മഹർഷി : വസിഷ്ട മഹർഷി ഭഗവാൻ ശ്രീരാമചന്ദ്രന് അറിവും ജ്ഞാനവും പ്രധാനം ചെയ്തപ്പോൾ , വിശ്വാമിത്ര മഹർഷി ചെയ്തത് അദ്ദേഹത്തിന്റെ കഴിവുകൾ രാക്ഷസന്മാരിൽ നിന്ന് മാനവരെ രക്ഷിക്കാൻ ഉതകുന്ന വിധത്തിൽ മാറ്റിയെടുക്കുക എന്ന ദൗത്യമായിരുന്നു . റിഗ് വേദത്തിലെ ഏറ്റവും ശക്തമായ ഗായത്രി മന്ത്രം അതിൽ നിന്നും കണ്ടെത്തിയതും വിശ്വാമിത്ര മഹർഷിയായിരുന്നു .
അഗസ്ത്യ മുനി : രാമ – രാവണ യുദ്ധത്തിന് മുന്നോടിയായി , അദ്ദേഹത്തിന്റെ ശിഷ്യനായിരുന്ന രാമൻ യുദ്ധത്തിൽ വിജയശ്രീലാളിതനായി തിരിച്ചു വരുവാനും സത്യം ജയിക്കുവാനും വേണ്ടി സ്തോത്രങ്ങളിൽ ഏറ്റവും വിശുദ്ധമായ ആദിത്യ ഹൃദയ സ്തോത്രം ചൊല്ലി കൊടുക്കുകയുണ്ടായി . തൻമൂലം രാമൻ യുദ്ധത്തിൽ വിജയിക്കുകയും സത്യം ജയിക്കുകയും ചെയ്തു . പുരാതന ആയോധനകലകളായ സിയാംബാം, വരകം എന്നിവയുടെ സ്ഥാപകൻ എന്ന നിലയിലും മഹർഷി അഗസ്ത്യനെ ആരാധിക്കുന്നു .
ഗുരു ദ്രോണാചാര്യർ : അസ്ത്ര വിദ്യകളിൽ തന്നെക്കാൾ കേമനായി അർജുനൻ മാറും എന്നുറപ്പായിരുന്ന ഗുരു ദ്രോണാചാര്യർ തനിക്കറിയാവുന്ന എല്ലാ വിദ്യകളും ഒരെണ്ണം പോലും ബാക്കി വെക്കാതെ അർജുനനെ അഭ്യസിപ്പിച്ചിരുന്നു .
സാന്ദീപനി മഹർഷി : പതിനാല് പാഠങ്ങളും അറുപത്തിനാല് കഴിവുകളും അഭ്യസിക്കുവാൻ വേണ്ടിയാണ് മഥുരയിൽ നിന്ന് ഭഗവാൻ ശ്രീകൃഷ്ണനും ബലരാമനും സാന്ദീപനി മഹർഷിയുടെ ആശ്രമത്തിൽ എത്തിയത് . ദൈവീകത്വമുള്ളവരായതിനാൽ പ്രതീക്ഷച്ചതിലും മുൻപ് തന്നെ അവർ ഇരുവരും വിദ്യകൾ സ്വായത്തമാക്കി
വാല്മീകി : ഇതിഹാസ കാവ്യമായ രാമായണത്തിന്റെ രചയിതാവായ വാല്മീകി സീത ദേവിയെ സ്വന്തം മകളെ പോലെ തന്റെ ആശ്രമത്തിൽ താമസിപ്പിക്കുകയും നോക്കുകയും കൂടാതെ സീത ദേവിയുടെയും ഭഗവാൻ ശ്രീരാമചന്ദ്രന്റെയും പുത്രന്മാരായ ലവനും കുശനും വിദ്യ പ്രധാനം ചെയ്തു നൽകിയതും അദ്ദേഹം തന്നെയായിരുന്നു .
ഒട്ടനവധി മഹാന്മാരായ ഗുരുക്കന്മാരുടെ നാടായ ഭാരതം എന്നും ഗുരു ശിഷ്യ ബന്ധത്തിന്റെ പാരമ്പര്യവും മഹത്വവും കാത്തുസൂക്ഷിക്കും .
