ഒരു ദിവസം ചായ കിട്ടിയില്ലെങ്കില് അസ്വസ്ഥരാകുന്നവരുണ്ട്. ദിവസം നാലും അഞ്ചും ചായ കുടിക്കുന്നവര് വരെയുണ്ട്. എന്നാല് ചായ കുടിക്കുന്നത് അത്ര നല്ല ശീലമല്ല. ആരോഗ്യത്തിനു വേണ്ടി ഗ്രീന് ടീ ,ഷുഗര് ഫ്രീ ടീ എന്നിവ കുടിക്കുന്നവരുണ്ട്. എന്നാല് അതില് നിന്നും മാറി ഒരു ഈസി ഡ്രിങ്ക് ഉണ്ടാക്കി നോക്കാം. അതിനു മൂന്ന് സാധനങ്ങള് മാത്രം മതി. ഒരു കഷണം ആപ്പിള്, കച്ചോലം, കറുവപ്പട്ട എന്നീ സാധനങ്ങള് ഉപയോഗിച്ച് വളരെ എളുപ്പത്തില് തന്നെ സ്വാദിഷ്ടവും ആരോഗ്യ പൂര്ണ്ണവുമായ ഒരു ഡ്രിങ്ക് നമുക്ക് ഉണ്ടാക്കിയെടുക്കാം.
ഇതിനായി ആപ്പിളിന്റെ പകുതിയെടുത്ത് വളരെ ചെറുതായി ഒരു പാത്രത്തിലേക്ക് അരിഞ്ഞിടുക, അതിലേയ്ക്ക് കച്ചോലവും കറുവപട്ടയും ഇട്ടു നന്നായി തിളപ്പിക്കുക. ഒരുപാട് നേരം തിളപ്പിച്ച് കുറുക്കി എടുത്ത ശേഷം അരിച്ച് ഒരു പാത്രത്തിലേക്ക് മാറ്റുക. ഇളം ചുവപ്പു നിറത്തില് ആയിരിക്കും ഈ ഡ്രിങ്ക് ഉണ്ടാവുക. മധുരത്തിനായി പഞ്ചസാര ചേര്ക്കാന് പാടില്ല. പകരം തേന് ചേര്ത്ത് കൊടുക്കാവുന്നതാണ്. ആപ്പിളിനും കറുവപ്പട്ടയ്ക്കും ചെറിയ തോതിലുള്ള മധുരം ഉള്ളതിനാല് ഡ്രിങ്കിനും ഒരു ഇളം മധുരം ഉണ്ടാകും.
ഒരു സ്പൂണ് തേന് കൂടി ഇതിലേക്ക് ചേര്ത്ത് കൊടുത്താല് ഒരു ഡ്രിങ്ക് കൂടുതല് സ്വാദിഷ്ടവും ആരോഗ്യമുള്ളതുമാക്കാം. തേന് ചേര്ത്ത് നന്നായി ഇളക്കിയതിനു ശേഷം ഒരു തുളസിയില കൂടി ഇട്ടാല് നല്ലൊരു മണം കൂടി ലഭിക്കും. ചായ പൂര്ണമായി ഒഴിവാക്കി രാവിലെയും വൈകുന്നേരവും ഇത് കുടിക്കുകന്നത് ശരീരത്തിന്റെ ആരോഗ്യത്തിനും ഉന്മേഷത്തിനും ഏറെ നല്ലതാണ്. തൊണ്ടവേദന, കഫകെട്ട് എന്നിവ അനുഭവപ്പെടുമ്പോള് ചായ ഒഴിവാക്കി പകരം ഈ ആപ്പിള് ഡ്രിങ്ക് കുടിച്ചാല് നല്ല ആശ്വാസം ലഭിക്കുന്നതോടൊപ്പം ശരീരത്തിന്റെ ഗുണത്തിനും കാരണമാകുന്നു.
