കുറച്ചു പ്രായമാകുമ്പോൾ മുടിയൊക്കെ കൊഴിയും, കഷണ്ടിയുമാകും…ഇതൊക്കെ സ്വാഭാവികമല്ലേ….?…..കഷണ്ടിയെക്കുറിച്ച് ചോദിക്കുമ്പോൾ മിക്കവരുടെയും മറുപടി ഇങ്ങനെയൊക്കെയാകും. എന്നാൽ സംഗതി ഇങ്ങനെയൊക്കെയാണെങ്കിലും തലയിൽ മുടിയില്ലാത്തതിരിക്കുക എന്നത് ഒരു പ്രശ്നം തന്നെയാണ്.
ഏകദേശം 30 വയസ്സാകുന്നതോടെയാണ് ആണുങ്ങളിൽ പലരിലും കഷണ്ടിയുടെ ലക്ഷണങ്ങൾ കണ്ടു തുടങ്ങുക. നെറ്റിയുടെ വശങ്ങളിലൂടെ മുകളിലേക്ക് ‘M’ ആകൃതിയിൽ കയറുന്ന കഷണ്ടിയാണ് പുരുഷൻമാരിൽ സാധാരണമായി കാണാറുള്ളത്. ഉച്ചിയിൽ വൃത്താകൃതിയിലും മുടി കൊഴിഞ്ഞ് കഷണ്ടിയാകാറുണ്ട്. അതേസമയം ജനിതക പ്രശ്നങ്ങൾ, ഹോർമോൺ നിലയിലെ വ്യത്യാസങ്ങൾ, അമിതമായ ഉത്കണ്ഠ എന്നിങ്ങനെ പല ഘടകങ്ങൾമൂലം സ്ത്രീകളിലും കഷണ്ടി കാണാറുണ്ട്. ഒരു പ്രത്യേകഭാഗത്തല്ല, മൊത്തത്തിലാണ് സ്ത്രീകൾക്ക് മുടികൊഴിയാറുള്ളതെന്ന് മാത്രം.
പുതു തലമുറയ്ക്കിടയിൽ മാനസിക സമ്മര്ദ്ദങ്ങളും ഫാസ്റ്റ് ഫുഡ് സംസ്ക്കാരവും പുതിയ ട്രെന്ഡ് അനുസരിച്ച് മുടി സ്ട്രെയ്റ്റനിംഗ്, ഹീറ്റിംഗ് എന്നിവയെല്ലാം കഷണ്ടിക്ക് കാരണമാകുന്നുണ്ട്. പുകവലി ശീലമാക്കിയവരിലും കഷണ്ടിയുള്ളത് ശ്രദ്ധേയമാണ്. പുകവലി കാരണം ശരീരത്തിലെ രക്തത്തിലുള്ള ഓക്സിജന് കുറയുന്നു. മരുന്നുകളുടെ അമിത ഉപയോഗവും കഷണ്ടിക്ക് കാരണമാകും. പാരമ്പര്യമായ കഷണ്ടിക്ക് ഫലപ്രദമായ മരുന്നില്ലെങ്കിലും അകാലത്തില് വരുന്ന കഷണ്ടിയെ പ്രതിരോധിക്കാനുള്ള ചില വഴികള് പറയാം…
- തേങ്ങാപ്പാലും ആട്ടിന്പാലും തുല്യ അളവില് എടുത്ത് തലയോട്ടിയില് നല്ലതു പോലെ തേച്ചു പിടിപ്പിക്കുക. ഒരു മണിക്കൂറിനു ശേഷം കഴുകിക്കളയാവുന്നതാണ്. ദിവസവും രണ്ടു നേരം ഇത്തരത്തില് ചെയ്യുക. ഒരാഴ്ച തുടര്ച്ചയായി ചെയ്താല് തന്നെ കാര്യമായ മാറ്റം കണ്ടു തുടങ്ങും.
- തേങ്ങാപ്പാലില് നാരങ്ങാ നീരൊഴിച്ച് തലയില് തേച്ചു പിടിപ്പിക്കുന്നതും ഗുണം ചെയ്യും.
- ആട്ടിന്പാലില് മുട്ടയുടെ വെള്ളയും അല്പം വെളിച്ചെണ്ണയും മിക്സ് ചെയ്ത് നല്ലതു പോലെ തേച്ചു പിടിപ്പിക്കുക. ഒരു മണിക്കൂറിന് ശേഷം കഴുകിക്കളയാം.
- വെളിച്ചെണ്ണയും മൈലാഞ്ചിയിലയും ചേര്ന്ന മിശ്രിതം തലയില് നല്ലതു പോലെ തേച്ചു പിടിപ്പിക്കുക. ഇത് അകാലനരയെ പ്രതിരോധിയ്ക്കുകയും ചെയ്യുന്നു.
- നെല്ലിക്ക പൊടിയും മൈലാഞ്ചിയില അരച്ചതും ആട്ടിന് പാലില് കലര്ത്തി മുടിയില് തേച്ചു പിടിപ്പിക്കുക. ഇത് കഷണ്ടിയെ പ്രതിരോധിയ്ക്കുകയും മുടി മുളയ്ക്കാന് സഹായിക്കുകയും ചെയ്യുന്നു.
- കറ്റാര്വാഴയും മുടി വളര്ച്ചയെ ത്വരിതപ്പെടുത്തുന്ന ഒന്നാണ്. കറ്റാര്വാഴ വെളിച്ചെണ്ണയില് കാച്ചി തേച്ചു പിടിപ്പിക്കുക. ഇത് മുടി വളര്ച്ചയും മുടിയുടെ മൃദുത്വം വര്ദ്ധിപ്പിക്കുകയും ചെയ്യുന്നു.
- വെളിച്ചെണ്ണ ചൂടാക്കി അതില് അല്പം ആട്ടിന് പാല് മിക്സ് ചെയ്ത് തലയില് തേച്ചു പിടിപ്പിക്കുക. അരമണിക്കൂര് കഴിഞ്ഞ് വീര്യം കുറഞ്ഞ ഷാമ്പൂ ഉപയോഗിച്ച് കഴുകിക്കളയുക.
ആരോഗ്യമുള്ള ശരീരത്തിലേ ആരോഗ്യമുള്ള മനസ്സുണ്ടാവൂ, എന്നാല് ആരോഗ്യമുള്ള മനസ് മാത്രമല്ല ആരോഗ്യമുള്ള മുടി വേണമെങ്കിലും ശാരീരികാരോഗ്യം വളരെ പ്രധാനമാണ്. അതുകൊണ്ട് ശാരീരികവും മാനസികവുമായ ആരോഗ്യം കാത്തു സൂക്ഷിക്കാന് ശ്രമിയ്ക്കുക.
