കുടുംബത്തില്‍ ഐശ്വര്യം ലഭിക്കുന്ന ഒന്നാണ് ശിവ ഭഗവാന്റെ കുടുംബ ചിത്രം. വീട്ടിലെ പൂജാ മുറിയിലോ വീടിന്റെ പ്രധാന വാതിലിന് അഭിമുഖമോ ആയിട്ടാണ ശിവ ഭഗവാന്റെ കുടുംബ ചിത്രം വെച്ചു പ്രാര്‍ത്ഥിക്കേണ്ടത്. കിഴക്കോട്ട് നിന്നു പ്രാര്‍ത്ഥിക്കാന്‍ ശ്രദ്ധിക്കേണ്ടതാണ്. ശിവം എന്നാല്‍ മംഗളം എന്നാണ് അര്‍ത്ഥം.
വന്ദേ ഗിരീശം ഗിരിജാ സമേതം
കൈലാസ സൈലേന്ദ്ര ഗുഹാ ഗൃഹസ്തം
ആങ്കെ നിഷണേണന വിനായകനേക സ്‌കന്ദേന
ചാത്യന്ത സുഖായ മാനം
ശിവ കുടുംബത്തെ മുഴുവന്‍ സ്തുതിക്കുന്ന ഈ ശ്ലോകം ചൊല്ലി വേണം പ്രാര്‍ത്ഥിക്കേണ്ടത്. ദിവസവും മൂന്നു പ്രാവശ്യം ഈ വന്ദന ശ്ലോകം ചൊല്ലി ശിവ ഭഗവാനേയും പാര്‍വതീദേവിയേയും ഗണപതിയേയും സുബ്രമണ്യനേയും ഒരുമിച്ചു പ്രാര്‍ത്ഥിക്കുന്നത് കുടുംബ ഐശ്വര്യത്തിനു നന്‍മയ്‌ക്കും നല്ലതാണ്.
ശിവ ഭഗവാനും പാര്‍വതീ ദേവിയും അവരുടെ ഇരുവശത്തുമായി ഇരിക്കുന്ന ഗണപതിയും സുബ്രമണ്യനും ഒരുമിച്ചുളള ചിത്രം, ജീവിതത്തിന്റെ അടിസ്ഥാനം കുടുംബമാണ്
എന്നതിനെയാണ് കാണിക്കുന്നത്.
ശിവഭഗവാന്റെ വാഹനമായ ഋഷഭം, പാര്‍വതി ദേവിയുടെ വാഹനമായ സിംഹം, ഗണേശ ഭഗവാന്റെ വാഹനമായ മൂഷികന്‍, മുരുക ഭഗവാന്റെ വാഹനമായ മയില്‍ ഇവയും ശിവഭഗവാന്റെ കഴുത്തിലണിഞ്ഞ നാഗവും ഒരുമിച്ചാണ് ഉളളത്. എന്നാല്‍ മയിലിന്റെ ഇരയാണ് നാഗങ്ങള്‍ അതുപോലെ തന്നെ നാഗങ്ങളുടെ ഇരയാണ് മൂഷികന്‍. എന്നാല്‍ ഇത് പരസ്പര ഐക്യത്തെയാണ് ചൂണ്ടി കാണിക്കുന്നത്.
