കെജിഎഫ് എന്ന ചിത്രത്തിലൂടെ ജന ശ്രദ്ധയാകര്ഷിച്ച ഒരു നടനാണ് യാഷ്. സോഷ്യല് മീഡിയയില് ഏറെ സജീവമാണ് താരം. കുടുംബ വിശേഷങ്ങള് ഇടയ്ക്കിടെ സോഷ്യല് മീഡിയ വഴി താരം പങ്കുവയ്ക്കാറുണ്ട്. കുടുംബത്തിന് വളരെ പ്രാധാന്യം നല്കുന്ന യാഷ് തന്റെ സിനിമാ തിരക്കുകള്ക്കിടയിലും കുടുംബത്തോടൊപ്പം സമയം ചെലവഴക്കാന് ശ്രദ്ധിക്കാറുണ്ട്. കുടുംബ വിശേഷങ്ങള് ആരാധകരുമായി പങ്കുവയ്ക്കുന്ന താരം അടുത്തിടെ തന്റെ മകന്റെ പേരിടല് വിശേഷവും സോഷ്യല് മീഡിയ വഴി പങ്കുവെച്ചിരുന്നു. യഥര്വ് എന്നാണ് താരം മകനു പേരിട്ടത്.
സിനിമാ താരമായ രാധിക പണ്ഡിറ്റ് ആണ് യാഷിന്റെ ഭാര്യ. രാധികയും സോഷ്യല് മീഡിയയില് സജീവമാണ്. ഇരുവരും ഒന്നിച്ച് തങ്ങളുടെ പുതിയ ഫാം ഹൗസിലെ വിശേഷങ്ങളും ചിത്രങ്ങളും സോഷ്യല് മീഡിയ വഴി പങ്കുവെച്ചിരുന്നു. ഇപ്പോള് മകള് ഐറ ഡാഡിയോടൊപ്പം പശുവിനു വാഴപ്പഴം കൊടുക്കുന്ന ചിത്രങ്ങളാണ് രാധിക സോഷ്യല് മീഡിയയില് പങ്കുവച്ചിരിക്കുന്നത്. ചിത്രങ്ങള് വളരെ പെട്ടെന്ന് തന്നെ സോഷ്യല് മീഡിയയില് വൈറലായി. കെജിഎഫ് വളരെ ഏറെ ജന ശ്രദ്ധ ആകര്ഷിച്ച ഒരു സിനിമയായിരുന്നു. നായകനായെത്തിയ യാഷും എറെ പ്രേക്ഷക ശ്രദ്ധയാകര്ഷിച്ചു.യാഷിന് ഒരുപാട് ആരാധകരെ നേടി കൊടുത്ത ഒരു സിനിമ കൂടിയായിരുന്നു കെജിഎഫ്.
