ലണ്ടന്: ഇംഗ്ലീഷ് പ്രീമിയര് ലീഗ് മത്സരങ്ങളില് മുന്നിര ടീമുകള്ക്ക് ജയവും തോല്വിയും. ലെസ്റ്റര് സിറ്റി എതിരില്ലാത്ത മൂന്നു ഗോളുകള്ക്ക് വെസ്റ്റ് ബ്രോമിനെ തകര്ത്തപ്പോള് ടോട്ടനത്തെ എതിരില്ലാത്ത ഒറ്റ ഗോളിന് എവര്ട്ടണ് തോല്പ്പിച്ചു. മറ്റൊരു മത്സരത്തില് ന്യൂകാസില് വെസറ്റ് ഹാമിനെതിരെ എതിരില്ലാത്ത രണ്ടു ഗോളുകള്ക്കാണ് ജയിച്ചത്.
കഴിഞ്ഞ സീസണിലെ മികച്ച ഫോം ലെസ്റ്റര് സിറ്റി തുടരുകയാണ്. ജാമീ വാര്ഡിയുടെ ഇരട്ട ഗോളുകളാണ് ലെസ്റ്ററിന് ആധികാരിക ജയം സമ്മാനിച്ചത്. കളിയുടെ രണ്ടാം പകുതിയിലാണ് എല്ലാ ഗോളുകളും വീണത്. തിമോത്തി കാസ്റ്റാഗനേ 56-ാം മിനിറ്റില് ലെസ്റ്ററിനായി ആദ്യ ഗോള് നേടി. തുടര്ന്ന് 74, 84 മിനിറ്റുകളിലെ പെനാല്റ്റി ഗോളാക്കി ജാമി വാര്ഡി കളം നിറഞ്ഞു.
രണ്ടാം മത്സരത്തില് വെസ്റ്റ് ഹാമിനെയാണ് ന്യൂകാസില് തോല്പ്പിച്ചത്. 56-ാം മിനിറ്റിലും 87-ാം മിനിറ്റിലുമാണ് ഗോളുകള് പിറന്നത്. കല്ലും വില്സണും ജെഫ് ഹാന്ഡ്രിക്കുമാണ് ഗോള് നേടിയത്. ടോട്ടനത്തിനെ എവര്ട്ടണ് ഞെട്ടിച്ചത് 55-ാം മിനിറ്റില് ഡോമിനിക് ലെവിന് നേടിയ ഏക ഗോളിനാണ്.
