‘ഓം നമഃ ശിവായ’ മന്ത്രത്തിന്റെ ശക്തി സ്വയം തിരിച്ചറിഞ്ഞവർ നമുക്കിടയിൽ ഉള്ളപ്പോൾ ഈ മന്ത്രത്തിന്റെ പ്രാധാന്യം വീണ്ടും വർധിക്കുന്നു. മന്ത്രം ഉച്ചരിക്കുന്നതിലൂടെ ഹൃദയവും മന്ത്രിക്കാൻ തുടങ്ങുകയും ഇത് ആത്മാവിൽ മാറ്റൊലികൊള്ളുകയും ചെയ്യുന്നു. ശിവഭാഗവന് സമർപ്പിച്ചിരിക്കുന്ന ഈ മന്ത്രം ഉച്ചരിക്കുന്നത് നല്ലതാണ്. നിലത്ത് ചമ്രം പടിഞ്ഞിരുന്ന് നിവർന്നിരുന്ന് 108 തവണ മന്ത്രം ഉച്ചരിക്കണം എന്നാണ് പറയുന്നത്. കൂടാതെ പൂർണമായും മനസ് മന്ത്രം ഉച്ചരിക്കണം എന്നാണ് പറയുന്നത്.
നിങ്ങളുടെ മനസിനും ആത്മാവിനും ശരീരത്തിനും ഉണ്ടാകുന്ന എല്ലാ പ്രയാസങ്ങളെയും മാറ്റുവാനും നിങ്ങളിൽ പോസിറ്റിവിറ്റി നിറയ്ക്കുവാനും ‘ഓം നമഃ ശിവായ’ എന്ന മന്ത്രത്തിന് സാധിക്കും. ജീവിതവഴിയിൽ തടസ്സങ്ങൾ ഉണ്ടാകുമ്പോഴും ഇനി ജീവിതത്തിൽ എന്ത്? എന്നത് ഒരു ചോദ്യചിഹ്നം ആകുമ്പോഴും നിങ്ങളെ സഹായിക്കാനും നിങ്ങളുടെ ചോദ്യങ്ങൾക്ക് ഉത്തരം നൽകുവാനും ഈ മന്ത്രത്തിന് സാധിക്കും. കൂടാതെ ഗ്രഹങ്ങൾ മൂലമുണ്ടാകുന്ന ദോഷങ്ങൾക്കും പരിഹാരമുണ്ടാകും. എപ്പോൾ വേണമെങ്കിലും മന്ത്രം ഉച്ചരിക്കാമെങ്കിലും രാവിലെയും വൈകുന്നേരവും ഈ മന്ത്രം ഉച്ചരിക്കുന്നതാണ് നല്ലത്.
മന്ത്രം ഉച്ചരിക്കുന്നതിലൂടെ നിങ്ങളിലെ പ്രകമ്പനങ്ങൾ പ്രകൃതിയിലേക്ക് പോകുകയും അത് പത്തിരട്ടിയായി നിങ്ങളിലേക്ക് തന്നെ തിരിച്ച് വരികയും ചെയ്യുന്നു
ഓം നമഃ ശിവായ എന്ന മന്ത്രത്തിന്റെ അർത്ഥം ഞാൻ ശിവനെ വണങ്ങുന്നു എന്നാണ്. എല്ലാ മന്ത്രങ്ങളിലും മീതെ നിൽക്കുന്ന ഈ മന്ത്രം ഉച്ചരിക്കുന്നതിലൂടെ നിങ്ങളുടെ ജീവിതത്തിൽ പോസിറ്റീവ് കാര്യങ്ങൾ നടക്കുന്നത് സ്വയം തിരിച്ചറിയാൻ സാധിക്കും.
പണ്ടുകാലങ്ങളിൽ മാനസികവും ശാരീരികവുമായ രോഗങ്ങൾക്കെല്ലാം പ്രതിവിധിയായി ആളുകൾ തിരഞ്ഞെടുത്തിരുന്നത് ‘ഓം നമഃ ശിവായ’ എന്ന മന്ത്രോച്ചാരണം ആണ്. സമാധാനവും സന്തോഷവും പരിശുദ്ധിയും നിങ്ങളിൽ നിറയുന്നു. ശരീരത്തിനും ആത്മാവിനുമുള്ള ശബ്ദ തെറാപ്പി ആയാണ് സന്യാസി പ്രമുഖർ ഈ മന്ത്രത്തെ കാണുന്നത്.
നമഃ ശിവായ എന്ന പഞ്ചാക്ഷരി മന്ത്രം പഞ്ച ഭൂതങ്ങൾ എന്നറിയപ്പെടുന്ന ഭൂമി, ജലം, അഗ്നി, വായു, ആകാശം എന്നിവയെ സൂചിപ്പിക്കുന്നു.
പ്രപഞ്ചം ഉണ്ടായപ്പോൾ പുറത്ത് വന്ന ശബ്ദം ആണ് ഓം. ഓം എന്നാൽ സ്നേഹവും സമാധാനവുമാണ്. ന എന്നാൽ ഭൂമിയും മ എന്നാൽ ജലവും ശി എന്നാൽ അഗ്നിയും വ എന്നാൽ വായുവും യ എന്നാൽ ആകാശവുമാണ്. അതായത് ‘ഓം നമഃ ശിവായ’ എന്നത് ഈ അഞ്ച് വസ്തുക്കളെയും സൂചിപ്പിക്കുന്നു. ഓം നമഃ ശിവായ ഉച്ചരിക്കുന്നതിലൂടെ നിങ്ങൾക്കുള്ളിൽ മാത്രമല്ല വ്യത്യാസം ഉണ്ടാകുക, ഈ മന്ത്രത്തിന് നിങ്ങൾക്ക് ചുറ്റും ഒരു പ്രത്യേക വലയം സൃഷ്ടിക്കാനാകും.
Comments