തായ്പേയ്: അമേരിക്കന് ഉദ്യോഗസ്ഥര് തായ് വാനിലെത്തിയതില് പ്രകോപനവുമായി ചൈന. തായ് വാന്റെ തീരപ്രദേശത്ത് യുദ്ധക്കപ്പലുകളെ വിന്യാസിച്ചുകൊണ്ടുള്ള സൈനിക പരിശീലനമാണ് ചൈന ആരംഭിച്ചത്. യുദ്ധക്കപ്പലുകളില് നിന്നും നിരന്തരം വെടിയുതിര്ത്തും വിമാനവേധ തോക്കുകളുടെ പരിശീലനവും ചൈന തുടരുകയാണ്. അമേരിക്കയുടെ സാമ്പത്തികകാര്യ വകുപ്പ് അണ്ടര് സെക്രട്ടറി കീത്ത് റാച്ചാണ് തായ്വാനിലെത്തിയത്. തായ് വാന് പ്രസിഡന്റ് സായ് ലിംഗ് വെന്നുമായി ഇന്നാണ് കൂടിക്കാഴ്ച നടക്കുന്നത്.
അമേരിക്കയുടെ കടന്നുകയറ്റം തങ്ങളുടെ അതിര്ത്തിപ്രദേശത്ത് സമ്മതിക്കില്ലെന്ന നിലപാടിലാണ് ചൈന. തായ്വാന് കഴിഞ്ഞ മാസം ചൈനയുടെ ഒരു യുദ്ധവിമാനം വെടിവെച്ചു വീഴ്ത്തിയിരുന്നു. ഇതിന് പിറകേ തായ്വാന് മുകളിലൂടെ ഉപഗ്രഹവിക്ഷേപണം നടത്തിയാണ് ചൈന പ്രതികരിച്ചത്. അമേരിക്ക മന:പൂര്വ്വം പ്രകോപനമുണ്ടാക്കാന് ശ്രമിക്കുകയാണെന്ന് ചൈനയുടെ പ്രതിരോധ വക്താവ് റെന് ഗ്വാകിയാങ് ആരോപിച്ചിരുന്നു. തായ്വാന് ഉപയോഗിച്ച് ചൈനയെ നിയന്ത്രിക്കാമെന്ന അമേരിക്കയുടെ മോഹം ദിവാസ്വപ്നമാണെന്നും റെന് പറഞ്ഞു.
തെക്കന് ചൈനാ കടലിലെ ചെറുരാജ്യങ്ങള്ക്ക് നേരെയുള്ള ചൈനയുടെ കടുത്ത വെല്ലുവിളി തുടരുന്ന സാഹചര്യത്തിലാണ് അമേരിക്കന് നാവികവ്യൂഹം പെസ്ഫിക്കില് നിലയുറപ്പി ച്ചിരിക്കുന്നത്. തായ്വാന് പിന്തുണയുമായി അമേരിക്ക രംഗത്തെത്തിയതുമുതല് ചൈന കടലില് കപ്പലുകളെ കൂടുതലായി വിന്യസിച്ചിരിക്കുകയാണ്. ചൈനയുടെ ഭാഗമാണ് തായ് വാനെന്നും സ്വയം ഭരണാവകാശം അംഗീകരിക്കില്ലെന്നുമുള്ള നിലപാടാണ് ചൈന എക്കാലത്തും എടുത്തിട്ടുള്ളത്.
Comments