ബ്രിക്‌സ് രാജ്യങ്ങളുടെ ഉന്നത സുരക്ഷാ ഉദ്യോഗസ്ഥരുടെ യോഗം: ഇന്ത്യയെ പ്രതിനിധീകരിച്ച് അജിത് ഡോവല്‍

ന്യൂഡല്‍ഹി: ബ്രിക്‌സ് രാജ്യങ്ങളുടെ സുരക്ഷാ സമിതി യോഗത്തില്‍ ഇന്ത്യയെ പ്രതിനിധീകരിച്ച് അജിത് ഡോവല്‍ പങ്കെടുത്തു. ബ്രസീല്‍-റഷ്യ-ഇന്ത്യ-ചൈന-ദക്ഷിണാഫ്രിക്ക എന്നിവരടങ്ങുന്ന സമിതിയാണ് സുരക്ഷാ വിഷയത്തില്‍ ചര്‍ച്ച നടത്തിയത്. ഭീകരവിരുദ്ധ പ്രവര്‍ത്തനങ്ങളുടെ അവലോകനമാണ് പ്രധാന വിഷയമായി ചര്‍ച്ച നടത്തിയത്. വരാനിരിക്കുന്ന ബ്രിക്‌സ് ഉച്ചകോടിയില്‍ അവതരിപ്പിക്കേണ്ട പ്രമേയമാണ് ചര്‍ച്ച ചെയ്തത്. വെര്‍ച്വല്‍ യോഗത്തിലാണ് ഇന്ത്യയ്‌ക്ക് വേണ്ടി അജിത് ഡോവല്‍ വിഷയം അവതരിപ്പിച്ചത്.

On Sept 17, the Russian Chairmanship held the 10th Meeting of #BRICS National Security Advisors. Challenges and threats to global, regional and national security were discussed. Press release (in Russian) 🔗 https://t.co/3oRQCQlg6Q pic.twitter.com/jWhCxo9wyz

— Russia in India (@RusEmbIndia) September 17, 2020

അന്താരാഷ്‌ട്ര ഭീകരതയും രാജ്യങ്ങള്‍ അത് നേരിടാന്‍ നടത്തിക്കൊണ്ടിരിക്കുന്ന ശ്രമങ്ങളും സുരക്ഷാ-രഹസ്യാന്വേഷണ വിഭാഗങ്ങളുടെ സംയുക്തപരിശീലനങ്ങളും യോഗം ചര്‍ച്ച ചെയ്തു. റഷ്യയാണ് പ്രധാന രേഖകള്‍ അവതരിപ്പിച്ചത്. റഷ്യയുടെ അധ്യക്ഷതയിലാണ് പത്താമത് യോഗം നടന്നത്.