ദുബായ്: ലോകക്രിക്കറ്റിലെ ഗ്ലാമര് മത്സരമായ ഇന്ത്യന് പ്രീമിയര് ലീഗ് നാളെ ആരംഭിക്കും. കൊറോണ ബാധ കാരണം ഇന്ത്യയില് നിന്നും വേദി മാറ്റിയതിനാല് യു.എ.ഇയിലെ മൂന്ന് എമിറേറ്റുകളിലായാണ് വേദികള് സജ്ജമാക്കിയിരിക്കുന്നത്.
നാളെ ഉദ്ഘാടന മത്സരം കഴിഞ്ഞ തവണത്തെ കാലശപ്പോരാത്തിലെ ടീമുകള് തമ്മിലാണ്. നാളെ അബുദാബിയിലെ ഷേഖ് സയ്യദ് ക്രിക്കറ്റ് സ്റ്റേഡിയത്തിലാണ് മത്സരം നടക്കുക. അടച്ചിട്ട സ്റ്റേഡിയത്തിലെ മത്സരത്തില് കഴിഞ്ഞ തവണത്തെ ചാമ്പ്യന് ടീമായ മുംബൈ ഇന്ത്യന്സും റണ്ണേഴ്സ് അപ്പായ ചെന്നൈ സൂപ്പര് കിംഗ്സുമാണ് ഏറ്റുമുട്ടുന്നത്. ഇന്ത്യന് സമയം രാത്രി 7.30നാണ് എല്ലാ മത്സരങ്ങളും നടക്കുന്നത്. സ്റ്റാര്സ്പോര്ട്ട്സാണ് കളിയുടെ സംപ്രഷ്ണാവകാശം നേടിയിരിക്കുന്നത്.
മുംബൈ ഇന്ത്യന്സിനെ രോഹിത് ശര്മ്മയും ചെന്നൈ സൂപ്പര് കിംഗ്സിനെ മഹേന്ദ്രസിംഗ് ധോണിയുമാണ് നയിക്കുന്നത്. ഇരുടീമുകളും മികച്ച താരങ്ങളുടെ അഭാവത്തിലും ശ്രദ്ധനേടിയിരിക്കുകയാണ്. മുംബൈ ഇന്ത്യന്സിന്റെ ബൗളിംഗ് കുന്തമുനയായ ശ്രീലങ്കന് താരം ലസിത് മലിംഗ കളിക്കുന്നില്ല. അതുപോലെ ചെന്നൈയുടെ ബാറ്റിംഗ് കരുത്തായ സുരേഷ് റയ്നയും ബൗളിംഗ് മികവിന്റെ പര്യായമായ ഹര്ഭജനുമാണ് ടീമില് നിന്നും വിട്ടുനില്ക്കുന്നത്. രണ്ടാം മത്സരം ഞായറാഴ്ച ഡല്ഹി ക്യാപ്പിറ്റല്സും കിംഗ്സ് ഇലവന് പഞ്ചാബും തമ്മിലാണ്.
ഒരു ദിവസം രണ്ടു മത്സരങ്ങള് വീതം നടക്കുന്നത് 10 ദിവസം മാത്രമായി കുറച്ചിരിക്കുകയാണ്. രണ്ടു മത്സരങ്ങളുള്ള ദിവസങ്ങളില് ആദ്യ മത്സരം 3.30നും രണ്ടാം മത്സരം 7.30 നും ആരംഭിക്കും. ആകെയുള്ള മത്സരങ്ങളില് 24 മത്സരങ്ങള് ദുബായിയിലും 20 എണ്ണം അബുദാബിയിലും 12 എണ്ണം ഷാര്ജ്ജയിലുമാണ് നടക്കുക. ഫൈനല് നടക്കുന്ന വേദി തീരുമാനിച്ചിട്ടില്ല.
Comments