കൊറോണ വ്യാപനത്തെ തുടർന്ന് സ്കൂളുകളും കോളേജുകളും അടച്ചിട്ടിട്ട് മാസങ്ങളായി. അതുകൊണ്ടുതന്നെ ഓൺലൈൻ ക്ലാസ്സിന്റെ ബഹളമാണ് ഇപ്പോൾ മിക്ക വീടുകളിലും. ഓൺലൈൻ ക്ലാസ്സുപോലെ ഓൺലൈൻ പരീക്ഷകളും ഇപ്പോൾ സജ്ജീവമായി തുടങ്ങീട്ടുണ്ട്. പരീക്ഷകൾ ഓൺലൈൻ ആക്കിയതുകൊണ്ട് ഗുണങ്ങൾ ഏറെയാണ്. വിദ്യാർത്ഥികൾക്ക് എവിടെയും പോകാതെ വീട്ടിലിരുന്നു തന്നെ പരീക്ഷകൾ എഴുതാം. പരീക്ഷാചിലവുകൾ ഇല്ല മൂല്യനിർണയവും എളുപ്പമാണ്. ആകെ വേണ്ടത് ഇത്തിരി വേഗതയുള്ള ഇന്റർനെറ്റ് കണക്ഷൻ മാത്രമാണ്. ചില പ്രവേശന പരീക്ഷകൾ ഉൾപ്പെടെ പല സ്ഥലങ്ങളങ്ങളിലും ഓൺലൈൻ പരീക്ഷകൾ നടക്കുന്നുണ്ട്. സർവകലാശാലകളും, കോളേജുകളും സെമസ്റ്റർ പരീക്ഷകൾ ഓൺലൈനായി നടത്തുന്നുണ്ട്.
പരീക്ഷ ഓൺലൈനായി മാറുന്നത് കൊണ്ട് കോപ്പി അടിക്കാലോ എന്ന ചിന്ത മിക്ക വിദ്യാർത്ഥികൾക്കും ഉണ്ട്. എന്നാൽ വിദ്യാർത്ഥികൾ ശ്രദ്ധിക്കേണ്ട കാര്യം പരീക്ഷ എഴുതാനുള്ള വെബ്സൈറ്റിൽ ലോഗിൻ ചെയ്താൽ പിന്നെ പരീക്ഷ നടത്തിപ്പുകാരുടെ നിയന്ത്രണങ്ങളിലായിരിക്കും നിങ്ങളുടെ കമ്പ്യൂട്ടർ. സ്ക്രീൻ, കീബോർഡ്, മുന്നിലുള്ള പേപ്പർ എന്നിവയിൽ നോക്കുന്നതും, മറ്റു ശബ്ദങ്ങൾ കേൾക്കുന്നതും നിയമലംഘനമായി കണക്കാക്കും. കുട്ടികൾ എന്ത് ചെയ്യുന്നുവെന്ന് പരിശോധിക്കാൻ ആർട്ടിഫിഷ്യൽ ഇന്റലിജൻസ് അധിഷ്ഠിത സാങ്കേതികവിദ്യകളുണ്ട്. അതിനായി ഇൻവിജിലേറ്റർമാരെയും ഏർപ്പെടുത്തിയിട്ടുണ്ടാവും.
ഓരോ വിദ്യാർത്ഥിയും സ്ക്രീനിൽ എന്തു ചെയ്യുന്നുവെന്ന് പരീക്ഷാനടത്തിപ്പുകാർക്കു കാണാം. നിശ്ചിത തവണയിൽ കൂടുതൽ നിയമ ലംഘനം നടത്തിയാൽ വിദ്യാർത്ഥികളെ അയോഗ്യരാക്കും. ഓൺലൈൻ പരീക്ഷ എന്ന് പറയുമ്പോൾ പൊതുവെ മൾട്ടിപിൾ ചോയ്സ് ചോദ്യങ്ങളാണ് പ്രതീക്ഷിക്കുക. എന്നാൽ വിശദമായി എഴുതുന്ന ചോദ്യോത്തരങ്ങളും ഇപ്പോൾ ഓൺലൈനിൽ നടക്കുന്നുണ്ട്. ഒന്നുകിൽ കമ്പ്യൂട്ടറിൽ ടൈപ്പ് ചെയ്യുക, അല്ലെങ്കിൽ പേപ്പറിൽ ഉത്തരങ്ങൾ എഴുതി നിശ്ചിത സമയത്തിനുള്ളിൽ വെബ്സൈറ്റിൽ അപ്ലോഡ് ചെയ്യുക. ഈ മാതൃകയിലാണ് ഇപ്പോൾ ഓൺലൈൻ പരീക്ഷകൾ നടന്നു വരുന്നത്.
Comments