മുടി ചീകി ഒതുക്കാനായി അനുസരണയോടെ പാപ്പാന് മുന്നിൽ ഇരിയ്ക്കുന്ന ഒരു ആന. സാമൂഹ്യ മാദ്ധ്യമങ്ങളിൽ വൈറലായി കൊണ്ടിരിക്കുന്ന ഒരു വീഡിയോയിലെ ദൃശ്യമാണിത്. മലയാളികളുടെ ഫേസ്ബുക്കിലും വാട്ട്സ്ആപ്പിലും സ്റ്റാറ്റസായി നിറഞ്ഞു നിൽക്കുകയാണ് ഈ വീഡിയോ ഇപ്പോൾ.
തിരുവമ്പാടി ലക്ഷ്മി എന്ന ആനയും മുത്തുവേട്ടൻ എന്ന ആനക്കാരനുമാണ് ഈ വീഡിയോയിലെ താരങ്ങൾ. കുളിച്ചു സുന്ദരിയായി മുത്തുവേട്ടന് മുന്നിൽ മുടി ചീകാനായി നിൽക്കുന്ന ലക്ഷ്മിയെയാണ് 40 സെക്കന്റ് ദൈർഘ്യമുള്ള വീഡിയോയിൽ കാണാൻ കഴിയുന്നത്. ചീപ്പ് കൊണ്ട് മുത്തുവേട്ടൻ മുടി ചീകിയൊതുക്കുമ്പോൾ അനുസരണയോടെ ലക്ഷ്മി നിന്നു കൊടുക്കുന്നത് സാമൂഹ്യ മാദ്ധ്യമങ്ങളിൽ കൗതുക കാഴ്ച്ചയാകുകയാണ്.
10 വർഷത്തിലേറെയായി തിരുവമ്പാടി ക്ഷേത്രത്തിലെ പൊന്നോമനയാണ് ലക്ഷ്മി. നിത്യവും മുടി വാരിയൊതുക്കി പൊട്ടും തൊട്ട് തിരുവമ്പാടി ക്ഷേത്രത്തിലെ ശീവേലിക്കെത്തുന്ന ലക്ഷ്മിയെ കാണാനും പഴങ്ങളും പലഹാരങ്ങളും കൊടുക്കാനും തിരുവനമ്പാടി തട്ടകവാസികൾ വഴി അറികിൽ കാത്തിരിരിക്കുന്ന് ഒരു പതിവ് കാഴ്ച്ചയാണ്.
യൗവ്വനത്തിലേക്കെത്തിയങ്കിലും ഇപ്പോഴും കുട്ടിയാനയുടെ മനസാണ് ലക്ഷ്മിയ്ക്ക്. സ്വന്തം മകളെപ്പോലെയാണ് മുത്തുവേട്ടൻ ലക്ഷ്മിയെ നോക്കുന്നതും. മുത്തുവേട്ടനും ലക്ഷ്മിയും തമ്മിലുള്ള അടുപ്പത്തിന്റെ ആഴം ഈ വീഡിയോയിൽ നിന്നു തന്നെ വ്യക്തമാകുന്നതാണ്. നാട്ടുകാരുടെ പൊന്നോമനയായ ലക്ഷ്മിയ്ക്ക് ഏറ്റവും അടുപ്പമുള്ളതും മുത്തുവേട്ടനോട് തന്നെയാണ്.
Comments