പെർഫ്യൂം ഉപയോഗിക്കുന്നവരാണോ; സുഗന്ധം നിലനിർത്താൻ ചില പൊടിക്കൈകൾ ഇതാ

പെർഫ്യൂം ഉപയോഗിക്കാൻ ഇഷ്ടമല്ലാത്തവരായി ആരും തന്നെ ഉണ്ടാകില്ല. പല തരത്തിലുള്ള പെർഫ്യൂമുകൾ നാം ഉപയോഗിക്കാറുണ്ട്. വിവിധ തരം പെർഫ്യൂമുകൾ വിപണിയിൽ ലഭ്യമാകാറുണ്ടെങ്കിലും മണം അധിക നേരം നിലനിൽക്കില്ലെന്ന് ചിലരെങ്കിലും പരാതി പറയാറുണ്ട്. പെർഫ്യൂം അടിച്ചാൽ ശരീരത്തിൽ സുഗന്ധം അധിക നേരം നിലനിൽക്കാനുള്ള ചില പൊടിക്കൈകൾ ഇതാ;

1. നമ്മളെല്ലാം പെർഫ്യൂം അടിക്കുന്നത് പുറത്ത് പോകുന്നതിന് തൊട്ട് മുൻപാണ്. എന്നാൽ കുളി കഴിഞ്ഞ ഉടൻ പെർഫ്യൂം അടിക്കുന്നതാണ് നല്ലത്. നനവുള്ള ചർമ്മം സുഗന്ധത്തെ നന്നായി ആഗിരണം ചെയ്യും.

2. കൈകകളിലും കാൽമുട്ടിന് പിന്നിലും കഴുത്തിലുമാണ് പ്രധാനമായും പെർഫ്യൂം അടിക്കേണ്ടത്.

3. മണമില്ലാത്ത ബോഡി ലോഷനുകൾ ശരീരത്തിൽ പുരട്ടിയതിന് ശേഷം പെർഫ്യൂം അടിക്കുന്നതും ഏറെ നേരം സുഗന്ധം നിലനിർത്താൻ സഹായിക്കും.

4. വസ്ത്രം അലക്കി ഉണക്കി സൂക്ഷിക്കുമ്പോൾ ടിഷ്യു പേപ്പറിൽ പെർഫ്യൂം അടിച്ച് വസത്രങ്ങൾക്കിടയിൽ സൂക്ഷിക്കുന്നതും സുഗന്ധം നിലനിൽക്കാൻ മികച്ച മാർഗമാണ്.

5. പെർഫ്യൂം കൈകളിൽ അടിച്ചാൽ കൈ തിരുമാതെ നോക്കണം. കൈ തിരുമുമ്പോൾ മണം പോകാനുള്ള സാധ്യത കൂടുതലാണ്.

6. ഇടയ്‌ക്കിടെ പെർഫ്യും അടിക്കാൻ കുപ്പിയുമായി നടക്കേണ്ട കാര്യമില്ല. പകരം പഞ്ഞിയിൽ പെർഫ്യൂം സ്‌പ്രേ ചെയ്ത് പഴ്സിൽ സൂക്ഷിക്കാം.

7. പെർഫ്യൂമുകൾ എപ്പോഴും സൂക്ഷിക്കേണ്ടത് കൃത്യമായ സ്ഥലങ്ങളിലായിരിക്കണം. ചൂടിൽ നിന്നും നേരിട്ടുള്ള സൂര്യ പ്രകാശത്തിൽ നിന്നും മാറ്റി വെയ്‌ക്കാൻ പ്രത്യേകം ശ്രദ്ധിക്കണം.