മുംബൈ : ഇടത്തരം 350-500 സിസി മോട്ടോര്സൈക്കിള് വിഭാഗത്തിലേക്കുള്ള പ്രവേശനം ഗംഭീരമാക്കികൊണ്ട് ഹോണ്ട മോട്ടോര്സൈക്കിള് ആന്ഡ് സ്കൂട്ടര് ഇന്ത്യ ബ്രാന്ഡിന്റെ പുതിയ ഹൈനസ് – സിബി350ന്റെ ആഗോള അനാവരണം നടന്നു. 9 പുതിയ പേറ്റന്റുകളോടെ വരുന്ന ഹൈനസ് – സിബി350 ഹോണ്ട ബിഗ്വിങ് ശ്രേണിയിലെ മൂന്നാമത്തെ ബിഎസ്6 മോഡലാണ്.
ഹോണ്ടയുടെ ഒറിജിനാല്റ്റിയും രൂപകല്പ്പനയുടെ കാലാതീതമായ ബോധവും ഗണ്യമായ സ്വഭാവവും കൂടി ചേര്ന്നതാണ് ഹൈനസ് – സിബി350. ഉയര്ന്നു നില്ക്കുന്ന മുന്ഭാഗവും, ഹാന്ഡില് ബാറുകളും സസ്പെന്ഷനും വലിയ വീലുകളും ഹൈനസ് – സിബി 350ന് ആകര്ഷകമായ ലുക്ക് നല്കുന്നു. അതിശയകരമായ അലോയ് വീലുകള് ഹൈനസ് – സിബി 350 ന്റെ അളവിന് ചേരുന്നു. വ്യത്യസ്തമായ ആധുനിക റോഡ്സ്റ്റര് ലുക്കും, ക്രോം പ്ലേറ്റഡ് ഭാഗങ്ങളും വീതിയുള്ള പിന്ഭാഗ ടയറും ഗാംഭീര്യം നല്കുന്നു.
വലിയ കരുത്തേറിയ 350സിസി, എയര് കൂള്ഡ് 4 സ്ട്രോക്ക് ഒഎച്ച്സി സിംഗിള്- സിലിണ്ടര് എഞ്ചിനാണ് ഹൈനസ് – സിബി350ന്. പിജിഎം-എഫ്1 സാങ്കേതിക വിദ്യ പിന്തുണ നല്കുന്നു. ഇത് ഈ വിഭാഗത്തില് ഏറ്റവും കൂടിയ, 3000 ആര്പിഎമ്മില് 30 എന്എം ടോര്ക്ക് നല്കുന്നു. യാത്ര അനായാസമാക്കാന് ഇത് ഉപകരിക്കുന്നു. സിലിണ്ടറില് സ്ഥാപിച്ചിട്ടുള്ള പ്രധാന ഷാഫ്റ്റ് കോആക്സിയല് ബാലന്സര് പ്രൈമറി, സെക്കണ്ടറി വൈബറേഷന് ഇല്ലാതാക്കുന്നു. ദീര്ഘ ദൂര യാത്രകളില് റൈഡര്ക്ക് ഇത് സുഖം പകരുന്നു.
സ്മാര്ട്ട്ഫോണ് വോയ്സ് കണ്ട്രോള് സിസ്റ്റമാണ് മറ്റൊരു സവിശേഷത. റൈഡിംഗ് വേളയില് തന്നെ ലോകവുമായി ബന്ധപ്പെട്ടുകൊണ്ടിരിക്കാം. കണക്റ്റ് ചെയ്ത് കഴിഞ്ഞാല് ഹാന്ഡില് ബാറിന്റെ ഇടതുവശത്തുള്ള കണ്ട്രോളിംഗ് സംവിധാനത്തിലൂടെ നിയന്ത്രിക്കാം. കോളുകള് സ്വീകരിക്കാം, നാവിഗേഷന്, സംഗീതം, വരുന്ന സന്ദേശങ്ങള് തുടങ്ങിയവയെല്ലാം ഉപയോഗിക്കാം. റൈഡിങിലെ ശ്രദ്ധ നഷ്ടപ്പെടാതിരിക്കാന് വിവരങ്ങള് ഹെല്മറ്റ് ഹെഡ്സെറ്റിലൂടെ ലഭ്യമാക്കും.
സ്ലിപ്പര് ക്ലച്ചും ഈ വിഭാഗത്തില് ആദ്യത്തേതാണ്. ഗിയറുകള് അനായാസം ഷിഫ്റ്റ് ചെയ്യാനാകുന്നു. അഡ്വാന്സ്ഡ് ഡിജിറ്റല് അനലോഗ് സ്പീഡോമീറ്റര് യാത്രയില് ഇന്റലിജന്റ് വിവരങ്ങള് നല്കുന്നു. സൈഡ് സ്റ്റാന്ഡ് ഇന്ഡിക്കേറ്റര്, ബാറ്ററി വോള്ട്ടേജ് മീറ്റര് തുടങ്ങിയ വിവരങ്ങളെല്ലാം നല്കുന്നു.
വാഹനത്തിന്റെ വില സംബന്ധിച്ച വിവരങ്ങളൊന്നും കമ്പനി പുറത്തുവിട്ടിട്ടില്ല.
Comments