സവിശേഷവും വ്യത്യസ്തവും രുചികരവുമായ ഒരു ലഘുഭക്ഷണമാണ് പച്ച ഏത്തക്ക കൊണ്ടുണ്ടാകുന്ന സമോസ .ആവശ്യത്തിന് എരിവും പുളിയും ഒക്കെയുള്ള ഈ സമോസ രുചികരമാണെന്ന് മാത്രമല്ല ആരോഗ്യപ്രദവുമാണ് . ചൂട് ചായക്കൊപ്പം കഴിക്കാൻ ഉത്തമമായ ഒരു ലഘുഭക്ഷണമായ ഈ സമോസ എങ്ങിനെയാണ് തയ്യാറാക്കേണ്ടത് എന്ന് നോക്കാം .
ഏത്തക്ക സമോസ ഉണ്ടാക്കാൻ വേണ്ടുന്ന ചേരുവകൾ
1 .അരിഞ്ഞ സവാള 100 ഗ്രാം
2 . അരിഞ്ഞ ഇഞ്ചി 5 ഗ്രാം
3 . കറി മസാല 5 ഗ്രാം
4 . മല്ലിയില അരിഞ്ഞത് 10 ഗ്രാം
5 . പച്ചമുളക് 5 ഗ്രാം
6 . പച്ച ഏത്തക്ക പുഴുങ്ങിയതിന് ശേഷം നന്നായി അരച്ചെടുത്തത് 200 ഗ്രാം
7 . ഒരു ടീസ്പൂൺ റിഫൈൻഡ് എണ്ണ
8 . കടുക് ആവശ്യത്തിന്
9 . മാവ് കുഴച്ചു കനം കുറച്ചു പരത്തി എടുത്തത്
10 . ഉപ്പ് ആവശ്യത്തിന്
11 . രണ്ടോ മൂന്നോ അല്ലി വെളുത്തുള്ളി അരിഞ്ഞത്
സമോസ തയ്യാറേക്കേണ്ടുന്ന വിധം
1 . ഒരു ചീനച്ചട്ടിയിൽ എണ്ണ ഒഴിച്ച് ചൂടാക്കിയതിന് ശേഷം കടുക് പൊട്ടിക്കുക .
2 . ഇതിലേക്ക് അരിഞ്ഞു വെച്ചിരിക്കുന്ന സവാള , ഇഞ്ചി, വെളുത്തുള്ളി എന്നിവ ചേർത്ത് നന്നായി വഴറ്റുക .
3 . ഇതിലേക്ക് ഏത്തക്ക അരച്ചതും , കറി മസാലയും, പച്ചമുളക് അരിഞ്ഞതും, ആവശ്യത്തിന് ഉപ്പും ചേർത്ത് നന്നായി ഇളക്കുക .
4 . ഈ മിശ്രിതം പാകമായതിന് ശേഷം അടുപ്പിൽ നിന്ന് വാങ്ങി , തണുക്കാൻ വെക്കുക .
5 . ശേഷം പരത്തി വെച്ചിരിക്കുന്ന മാവിനകത്തേക്ക് ഈ മിശ്രിതം വെച്ച് , ത്രികോണാകൃതിയിൽ മടക്കുക .
6 . പതിനഞ്ച് തൊട്ട് ഇരുപത് മിനിറ്റ് വരെ ഓവനിൽ വെച്ച് ബേക്ക് ചെയ്യുക .
രുചികരവും , ആരോഗ്യപ്രദവുമായ പച്ച ഏത്തക്ക ചേർത്തുണ്ടാക്കിയ സമോസ ടൊമാറ്റോ സോസിനൊപ്പമോ , പുതിന ചമ്മന്തിക്കൊപ്പമോ വിളമ്പാവുന്നതാണ് .
Comments